CAƔ WEZUU ƐZƖ KRƖSTƲ TƲ YƆ
«Ɛsɩɩ nabʋyʋ kɩjaʋ»
Pɩpɔzʋʋ se ɖɩla ɖʋtʋ nɛ ɖɩlakɩ sɔɔlɩm faaa haɖɛ ɖoŋ ɖoŋ. Tɔm ndʋ apostoloo Pɔɔlɩ ñɩnaɣ yɔɔdʋʋ alɩwaatʋ ndʋ ɛtɔm se «ɛsɩɩ nabʋyʋ kɩjaʋ» yɔ. (1Kɔ 16:2) Ye ɖɩɖɔŋ lɔŋ tasʋʋ mbʋ pɩ-yɔɔ yɔ, pɩsɩɣnɩ-ɖʋ nɛ ɖɩɖʋ nesi Ɛsɔ sɛtʋ kele kele ñɩndʋ nɛ pɩha-ɖʋ taa leleŋ. Haɖɛ nɖɩ ɖɩlakɩ yɔ, paa pɩlakɩ-ɖʋ ɛzɩ ɖɩtɩlɩɩ pʋyʋ yɔ, Yehowa taa lakɩ leleŋ siŋŋ se ɖɩsɔɔlɩ faaa se ɖɩkpaɣ ɖo-wondu ndʋ tɩmʋ ñɩm nɛ pɩkɩlɩ yɔ nɛ ɖɩɖʋnɩ-ɩ hɩɖɛ.—Adu 3:9.
CƆNƖ VIDEO ŊLABAƔ LƐ SE ŊSƖ NABƲYƲ KƖJAƲ; NƐ PƲWAYƖ LƐ ŊCOSI TƆM TƲNƐ TƖ-YƆƆ:
-
Ye ɖɩlabɩ ɖʋtʋ pɩlɩɩnɩ liidiye nɖɩ ɖɩsɔɔlaa se ɖɩkpaɣ nɛ ɖɩlabɩnɩ haɖɛ yɔ ɖɩ-yɔɔ yɔ, wazasɩ nzɩ pɩkɔŋna?
-
Ɛzɩma nabɛyɛ laba nɛ «[pasɩɣ] nabʋyʋ kɩjaʋ»?
