CAƔ WEZUU ƐZƖ KRƖSTƲ TƲ YƆ
Ɛzɩma mansɩɣna se ɖɩwɛɛnɩ hɩɖɛ kɩbanɖɛ yɔ
Ɛyaa naɣ wezuu kɩbaŋʋ ŋgʋ Yehowa Aseɣɖe Tɩnaa cakɩ yɔ. (1Kɔ 4:9) Ðɩpɩzɩɣ nɛ ɖɩpɔzɩ ɖa-tɩ se: «Mɔ-yɔɔdaɣ nɛ ma-lakasɩ yeki se pasa Yehowa?» (1Pɩ 2:12) Pɩtʋʋ fɛyɩ se ɖɩtɩsɔɔlɩ se ɖɩla nabʋyʋ nɛ pipisi hɩɖɛ kɩbanɖɛ nɖɩ Yehowa Aseɣɖe Tɩnaa ñaɣ pana pɩnzɩ sakɩyɛ nɛ pɛwɛɛna yɔ.—Ekl 10:1.
Wɛtʋ ndʋ tɩkɔŋ yɔ tɩ-taa, ma ɛzɩma pɩpɔzʋʋ se Krɩstʋ tʋ ɛla yɔ nɛ Bibl paɣtʋ kiɖe nɖɩ ɖɩpɩzɩɣ nɛ ɖɩsɩnɩ-ɩ paa wɛtʋ ndʋ lɛ tɩ-taa yɔ:
-
Ɛyʋ weyi ɛfɛyɩnɩ tisuu yɔ ɛkɔ pana nɛ ɛwɛɛ nɛ ɛhɔŋnɩ-ŋ tɔm
-
Ño-wondu kususutu, ñɔ-lɔɔɖɩyɛ yaa ña-ɖɩɣa tɩtasɩ wɛʋ wɛtʋ kɩbandʋ taa
-
Pɩlakɩ-ŋ ɛzɩ egeetiye nɖɩ ɖɩ-taa ŋwɛɛ yɔ ɖɩ-paɣtʋ natʋyʋ fɛyɩ siɣsiɣ yaa tɩ-yɔɔ ɖɔm wɛ kaɖɛ yɔ
Ɛzɩma Tɔm maʋ tʋmɩyɛ taa ñɩnɩyaa sɩɣna se ɖɩwɛɛnɩ hɩɖɛ kɩbanɖɛ?
CƆNƖ VIDEO ÐƖSƆƆLƖ TOOVENIM NƐ ÐƖÑAŊ-PƲ, NƐ PƲWAYƖ LƐ ŊCOSI TƆM TƲNƐ TƖ-YƆƆ:
Pana wena ɛgbɛyɛ ñakɩ se ɖɩma tɔm ndʋ tɩkɛ toovenim tɔm yɔ, ɖoŋ weyi pɩwɛnɩ ñɔ-yɔɔ?
