Keɣa 62:1-12
Hendu teyaa ñʋʋdʋ; Yedutuunɩ.* Daviid hendu.
62 Toovenim, monsum tamɩyɛ nɛ manɖaŋ* Ɛsɔ.
Ɛ-cɔlɔ ma-ñʋʋ yabʋ lɩɣna.+
2 Toovenim taa lɛ, ɛnʋ kɛnɩ man-kaaʋ nɛ ma-ñʋʋ yaɖʋ, ɖɩjɔzɩyɛ* nɖɩ ɖɩ-taa kaɖɛ naɖɩyɛ ɛɛtalɩɣ-m yɔ;+Pɩɩkaɣ-m ñamsʋʋ ɖoŋ kpa.+
3 Ɩwɛɣ ɛyʋ wayɩ se ɩkʋʋ-ɩ nɛ pɩkɔɔ pɩsɩɩnɩ ɖooye?+
Mɩ-tɩŋa ɩkɛ mba pɔkɔŋnɩ ɛyʋ kaɖɛ yɔ, ɛzɩ koloŋa ŋga kɛwɛlaa yɔ, pɛɛ koloŋa ŋga kacaɣ ɖabʋ yɔ.*
4 Mbʋ pʋyɔɔ yɔ panɩɣnɩ ɖama se potuzi-i e-lone kʋkʋyɩyɛ taa* nɛ pɛpɛɖɩ;Cɛtɩm kɛdɩɣnɩ-wɛ.
Pawazɩɣnɩ pɔ-nɔsɩ, ɛlɛ pa-taa kiŋ lɛ peɖiɣni lɔʋ nɔɔ kɩdɛkɛdaɣ.+ (Sɛɛla)
5 Toovenim, monsum tamɩyɛ nɛ manɖaŋ* Ɛsɔ+Mbʋ pʋyɔɔ yɔ ɛ-cɔlɔ me-lidaʋ lɩɣna.+
6 Toovenim taa lɛ, ɛnʋ kɛnɩ man-kaaʋ nɛ ma-ñʋʋ yaɖʋ, ɖɩjɔzɩyɛ nɖɩ ɖɩ-taa kaɖɛ naɖɩyɛ ɛɛtalɩɣ-m yɔ;Pɩɩkaɣ-m ñamsʋʋ kpa.+
7 Ɛsɔ cɔlɔ ma-ñʋʋ yabʋ nɛ man-samtʋ lɩɣna.
Ɛsɔ kɛnɩ man-kaaʋ ɖoŋ ñɩŋgʋ, man-ɖɩjɔzɩyɛ.+
8 Oo samaɣ, taa-ɩ liu alɩwaatʋ kpeekpe.
Kuli ña-laŋɩyɛ nɛ ŋheyi-i ña-taa tɔm.+
Ɛsɔ kɛ-ɖʋ ɖɩjɔzɩyɛ.+ (Sɛɛla)
9 Ɛyaa pɩyalaa kɛ mɔɔŋ tɛɛ helim yem,Ɛyaa pɩyalaa kɛ ɖɩjɔzɩyɛ nɖɩ paapɩzɩɣ nɛ pataa-ɖɩ liu yɔ.+
Ye pɛkpɛndɩ-wɛ kɩmaɣzʋʋ yɔɔ yɔ, patɩtalɩ helim mbʋ pɩlɩɣnɩ ɛyʋ mɔɔʋ tɛɛ yɔ yuŋ.+
10 Ɩtaataa mulum liuNɛ ɩtaaɖʋ ɖɔɖɔ lidaʋ mɩlɩm yɔɔ, pɩkɛ falaa.
Ye mɩ-ñɩm ehukuu yɔ, ɩtaaɖʋ mi-lidaʋ pɩ-yɔɔ.+
11 Tam kʋɖʋm Ɛsɔ yɔɔdaa, tam nabʋlɛ manɩ tɔm tʋnɛ:
Ɛsɔ tɩnɩ ɖoŋ.+
12 Oo Yehowa, ñatɩnɩ sɔɔlɩm siɣsiɣ ñɩmbʋ ɖɔɖɔ,+Mbʋ pʋyɔɔ yɔ ŋhɛyɩɣ paa weyi ɛ-lakasɩ yɔɔ.+
Pɩ-tɛɛ tɔm
^ Cɔnɩ Tɔm pee sɔsɔna tɔbʋʋ lɩzʋʋ.
^ Yaa «man-kalɩzaɣ sum tamɩyɛ nɛ kaɖaŋ.»
^ Yaa «lone kʋkʋyɩyɛ.»
^ Pɩpɩzɩɣ pɩkɛ, «Mɩ-tɩŋa, ɛzɩ ɛkɛ koloŋa ŋga kɛwɛlaa yɔ, pɛɛ koloŋa ŋga kacaɣ ɖabʋ yɔ.»
^ Yaa «ɛ-samtʋ taa.»
^ Yaa «Toovenim, Oo man-kalɩzaɣ, su tamɩyɛ nɛ ŋɖaŋ.»
