Keɣa 49:1-20
Hendu teyaa ñʋʋdʋ. Kora+ pɩyalaa hendu.
49 Mɩ ajɛɛ kpeekpe, ɩnɩɩ tɔm tʋnɛ.
Ikemsi, mɩ ɛjaɖɛ yɔɔ mba kpeekpe,
2 Cikpema nɛ sɔsaa,*Ñɩm tɩnaa nɛ pɩkpɛndɩnɩ kʋñɔndɩnaa.
3 Mɔ-nɔɔ kaɣ yɔɔdʋʋ lɔŋsɩnɖɛ tɔm,Nɛ lɛɣtʋ kaɣ wɛʋ ndʋ ma-laŋɩyɛ maɣzɩɣ yɔ+ tɩ-taa.
4 Mankaɣ kemsinuu eduuye naɖɩyɛ;Cɩmʋʋ yɔɔ mankaɣ tɩŋnʋʋ nɛ malɩzɩ men-ɖimɖimɖa tɔbʋʋ.
5 Ɛbɛ yɔɔ sɔɔndʋ kpaɣ-m kʋñɔŋ alɩwaatʋ taa,+Alɩwaatʋ ndʋ mba pañɩnɩɣ se potuzi-m nɛ pɛpɛɖɩ yɔ pa-kɩdɛkɛdɩm lakasɩ* cɔ-m nɛ sɩta yɔ?
6 Mba pataɣ pa-ñɩm liu+Nɛ pakʋndʋʋnɩ pa-ñɩm sɔsɔm yɔ,+
7 Pa-taa nɔɔyʋ ɛɛpɩzɩɣ nɛ ɛya e-koobu nɔɔyʋ ñʋʋ kpaYaa ɛhɛyɩ Ɛsɔ kɩhɛyʋʋ ɛ-ñʋʋ taa,+
8 (Pe-wezuu* yɔɔ kɩhɛyʋʋ* mʋ ñɩm siŋŋNɛ paapɩzɩɣ nɛ pɛhɛyɩ-kʋ kpa);
9 Se ɛpɩzɩ nɛ ɛcaɣ wezuu tam nɛ ɛtaana pɔʋ.*+
10 Ɛnaɣ se halɩ lɔŋsɩnɖaa sɩkɩ;Kɩmɛlɛŋ nɛ weyi ɛ-ñʋʋ taa fɛyɩ yɔ pa-tɩŋa pɛtɛŋɩlɩɣ+Nɛ peyekini lalaa pa-ñɩm.+
11 Mbʋ pañɩnɩɣ siŋŋ yɔ lɛ se pa-ɖɩsɩ ɩwɛɛ tam,Se pe-kizinzikiŋ ɩwɛɛ kpaɣ kpaɖʋʋ nɛ piwolo kpaɖʋʋ.
Paya pɛ-tɛtʋ nɛ pa-maɣmaɣ pa-hɩla.
12 Ɛlɛ paa paɖʋʋ ɛyʋ hɩɖɛ yɔ, ɛɛkaɣ wɛʋ tam;+Ɛfɛyɩ weewee nɛ pɩkɩlɩ kpɩna wena asɩkɩ yɔ.+
13 Kɩmɛlɛmɩŋ nʋmɔʋ kɛlɛ,+Nɛ mba patɩŋɩɣ-wɛ yɔ, mba pa-taa lakɩ leleŋ nɛ pɔ-tɔm ndʋ tɩɩwazɩɣ pʋyʋ yɔ, mba ɖɔɖɔ pa-nʋmɔʋ kɛlɛ. (Sɛɛla)
14 Ɛzɩ heŋ weyi paɖʋwa se pakʋʋ-ɩ yɔ, Pɩlaʋ* pɩtɛŋnɩ-wɛ.
Sɩm kaɣnɩ-wɛ ɖiyuu;Siɣsiɣ tɩnaa kaɣ tɔɔʋ kewiyitu pɔ-yɔɔ+ tanaŋ tɛɛ.
Paakaɣ tasʋʋ wɛʋ;+Pɩtɩkɛ ɖɩɣa sɔsɔɔ nakɛyɛ kaɣnɩ kɛʋ pa-ɖɩɣa+ ɛlɛ Pɩlaʋ.*+
15 Ɛlɛ Ɛsɔ kaɣ yabʋ ma-ñʋʋ* Pɩlaʋ* nesi* tɛɛ,+Mbʋ pʋyɔɔ yɔ ɛkaɣ-m ɖɔkʋʋ. (Sɛɛla)
16 Sɔɔndʋ ɛtaakpa-ŋ se ɛyʋ nɔɔyʋ wɛɛ nɛ ɛpɩsɩɣ ñɩm tʋ,Se ɛ-ɖɩɣa wɛɛ nɛ keɖeɣ nɛ pɩkɩlɩɣ,
17 Mbʋ pʋyɔɔ yɔ alɩwaatʋ ndʋ ɛsɩkɩ yɔ, ɛɛpɩzɩɣ nɛ ɛkpɛndɩnɩ nabʋyʋ;+Eetiki lɛ, e-keɖeɣa ɛɛtɩŋɩɣ-ɩ.+
18 Mbʋ pʋyɔɔ yɔ ɛsaŋaɣ ɛ-tɩ* e-wezuu caɣʋ taa.+
(Ɛyaa saŋɩ-ŋ alɩwaatʋ ndʋ pɩɖɔŋnɩ-ŋ camɩyɛ yɔ.)+
19 Ɛlɛ pɩtɛŋna se ewoki nɛ ɛkpɛndɩ ɛ-cɔzɔnaa kpaɖʋʋ yɔɔ.
Paakaɣ tasʋʋ naʋ ñalɩmɩyɛ kpa.
20 Ɛyʋ weyi ɛɛnɩɣ tɔm ndʋ tɩ-taa yɔ, paa paɖʋʋ-ɩ hɩɖɛ yɔ,+Ɛfɛyɩ weewee nɛ pɩkɩlɩ kpɩna wena asɩkɩ yɔ.
Pɩ-tɛɛ tɔm
^ Piye piye, «ɛyaa pɩyalaa nɛ pɩkpɛndɩnɩ abalʋ pɩyalaa.»
^ Piye piye, «pɛ-wɛɛ ɖɔʋ.»
^ Yaa «Pa-kalɩzaɣ.»
^ Yaa «Pe-wezuu ñʋʋ yabʋ liidiye.»
^ Yaa «pɩlaʋ.»
^ Yaa «Sewɔɔlɩ,» pʋ-tɔbʋʋ se ɛyaa tɩŋa pɩlaʋ. Cɔnɩ Tɔm pee sɔsɔna tɔbʋʋ lɩzʋʋ.
^ Yaa «Sewɔɔlɩ,» pʋ-tɔbʋʋ se ɛyaa tɩŋa pɩlaʋ. Cɔnɩ Tɔm pee sɔsɔna tɔbʋʋ lɩzʋʋ.
^ Yaa «man-kalɩzaɣ ñʋʋ.»
^ Yaa «ɖoŋ.»
^ Yaa «Sewɔɔlɩ,» pʋ-tɔbʋʋ se ɛyaa tɩŋa pɩlaʋ. Cɔnɩ Tɔm pee sɔsɔna tɔbʋʋ lɩzʋʋ.
^ Yaa «ɛ-kalɩzaɣ.»
