Keɣa 30:1-12
-
Kʋñɔwiye pɩsɩ taa leleŋ
-
Ɛsɔ pʋtɔdɩyɛ naʋ leɖiɣ ɛyʋ wezuu kpeekpe (5)
-
Keɣa. Ðɩɣa nɔnɔsɩ tʋlʋʋ hendu. Daviid hendu.
30 Hayɩ Yehowa, mankaɣ-ŋ sam, mbʋ pʋyɔɔ yɔ ŋkpazɩ-m;*
Ŋtiyele se mon-koyindinaa taa ɩla leleŋ mɔ-yɔɔ.+
2 Hayɩ mɛ-Ɛsɔ Yehowa, mamabɩ kubusi se ŋsɩnɩ-m, nɛ ŋyeba nɛ mɔ-yɔɔ cɛ.+
3 Hayɩ Yehowa, ŋkpazɩ-m* nɛ Pɩlaʋ* taa.+
Ŋyeba nɛ mɛwɛɛ wezuu; ŋtiyele se mentii pɔʋ* taa.+
4 Mɩ mba ɩwɛ siɣsiɣ Yehowa ɛsɩndaa yɔ, itee-i samtʋ hendu,*+Ɩsa ɛ-hɩɖɛ kiɖeɖeye;+
5 Mbʋ pʋyɔɔ yɔ ye ɛ-taa ɛwɩnɩ nɔɔyʋ yɔ piileɖiɣ,+Ɛlɛ ɛ-pʋtɔdɩyɛ naʋ* ñeleɖiɣ ɛyʋ wezuu kpeekpe.+
Wiluu pɩzɩɣ nɛ kɩkɔɔ ɖanaɣ yɔɔ; ɛlɛ tanaŋ tɛɛ lɛ, taa leleŋ kubusi wɛɣna.+
6 Alɩwaatʋ ndʋ nabʋyʋ taacɛyɩɣ-m yɔ, maayɔɔdaa se:
«Pɩɩkaɣ-m ñamsʋʋ* kpa.»
7 Hayɩ Yehowa, alɩwaatʋ ndʋ ŋnaɣaɣ man-pʋtɔdɩyɛ yɔ,* ŋŋyeba nɛ mɛwɛɛ ɖoŋ ɛzɩ pʋʋ yɔ.+
Ɛlɛ alɩwaatʋ ndʋ ŋmɛsɩ ñɛ-ɛsɩndaa yɔ, sɔɔndʋ paɣzɩ-m kpaʋ.+
8 Hayɩ Yehowa, ña maawɛ yaʋ yɔɔ;+Nɛ ña Yehowa maawɛ tenduu yɔɔ se ŋna man-pʋtɔdɩyɛ.
9 Ye mansɩba, ɛbɛ pɩwazɩɣ? Ye mentibi pɔʋ* taa,+ ɛbɛ pɩwazɩɣ?
Ɛzɩ puuyuu kaɣ-ŋ sam na?+ Kɩkaɣ yɔɔdʋʋ ñe-siɣsiɣ wɛtʋ tɔm na?+
10 Hayɩ Yehowa, welisi nɛ ŋna man-pʋtɔdɩyɛ.+
Hayɩ Yehowa, pɩsɩ man-sɩnɩyʋ.+
11 Ŋlaba nɛ man-kʋñɔwiye pɩsɩ payɛ;Ŋhɔzɩ mɔ-yɔɔ fɔlɔtɔ, nɛ ŋsu-m laŋhʋlʋmɩyɛ,
12 Se pɩsa nɛ mentee* ña-samtʋ hendu nɛ mantaasu tamɩyɛ.
Hayɩ mɛ-Ɛsɔ Yehowa, mankaɣ-ŋ sam tam.
Pɩ-tɛɛ tɔm
^ Yaa «ŋhɔmɩ-m nɛ ŋkpazɩ.»
^ Yaa «ŋkpazɩ man-kalɩzaɣ.»
^ Yaa «Sewɔɔlɩ,» pʋ-tɔbʋʋ se ɛyaa tɩŋa pɩlaʋ. Cɔnɩ Tɔm pee sɔsɔna tɔbʋʋ lɩzʋʋ.
^ Yaa «pɩlaʋ.»
^ Yaa «ɩmabɩ-ɩ minziiki.»
^ Yaa «ɛ-camɩyɛ lakasɩ.»
^ Yaa «cɛŋɛsʋʋ.»
^ Yaa «ŋlakaɣ-m camɩyɛ lakasɩ yɔ.»
^ Yaa «pɩlaʋ.»
^ Yaa «nɛ ma-hɩɖɛ ɖʋʋ tee.»
