Keɣa 3:1-8
Daviid hendu, alɩwaatʋ ndʋ eseɣaɣ ɛ-pɩyalʋ Absalɔm yɔ.+
3 Hayɩ Yehowa, ɛbɛ yɔɔ mon-koyindinaa ɖɔ mbʋ?+
Ɛbɛ yɔɔ ɛyaa sakɩyɛ kaɖɩɣnɩ-m mbʋ?+
2 Ɛyaa sakɩyɛ yɔɔdʋʋ mɔn-tɔm* se:
«Ɛsɔ ɛɛkaɣ yabʋ ɛ-ñʋʋ.»+ (Sɛɛla)*
3 Ɛlɛ ña, Oo Yehowa, ŋkɛ kpayʋʋ ŋgʋ kɩcɔ-m nɛ kɩta yɔ,+Ŋkɛ man-samtʋ+ nɛ Weyi ɛkpazɩɣ ma-ñʋʋ yɔ.+
4 Mankaɣ yaʋ Yehowa nɛ nɔɔ kɩkʋyaɣ,Nɛ ɛkaɣ-m cosuu nɛ ɛ-pʋʋ kiɖeɖeu taa.+ (Sɛɛla)
5 Mankaɣ hɩnʋʋ nɛ monɖoo;Nɛ mankaɣ fem pɛɛyɛ taa,Mbʋ pʋyɔɔ yɔ Yehowa tiyebi-m sɩnʋʋ.+
6 Maaseɣ sɔɔndʋ ɛyaa kudokiŋ hiŋ sakɩyɛMba papɩlaa nɛ pɔcɔ-m nɛ pata nɛ pakaɖɩɣnɩ-m yɔ.+
7 Hayɩ Yehowa, kʋyɩ! Hayɩ mɛ-Ɛsɔ, ya ma-ñʋʋ!+
Mbʋ pʋyɔɔ yɔ ŋkaɣ mabʋ mon-koyindinaa tɩŋa tamaɣ yɔɔ;Ŋkaɣ pɛlʋʋ kañatʋ tɩnaa kela.+
8 Yehowa tɩnɩ ñʋʋ yabʋ.+
Ña-wazaɣ wɛ ña-samaɣ yɔɔ. (Sɛɛla)
