ĨSOMO YA 15
Kũneena Ũte na Nzika
1 Athesalonika 1:5
KWA ŨKUVĨ: Onanyʼa kana nũĩkĩĩe vyũ ũla wʼo, na nũĩkĩĩe vyũ kana kĩla ũũneenea nĩ kya vata.
ŨNDŨ ŨTONYA KWĨKA ŨU:
-
Ĩyũmbanyʼe nesa. Soma ũvoo waku nesa nginya ũelewe maũndũ ala manene na ũndũ Mbivilia yonanĩtye kana nĩ ma wʼo. Tata ũelesye maũndũ ala manene ũvoonĩ waku ũitũmĩa o ndeto syĩ laisi. Sũanĩa ũndũ ũvoo ũsu ũtonya kũtetheesya ethukĩĩsya maku. Voya ũkwate veva mũtheu.
-
Tũmĩa ndeto ikwonanyʼa ndwĩ na nzika. Vandũ va kũsoma ndeto ila syĩ ũvoonĩ, tũmĩa ndeto syaku mwene. Tũmĩa ndeto ikwonanyʼa nũĩkĩĩe kĩla ũũneenea.
-
Neena kuma ngoonĩ. Neena na wasya wĩanĩtye. Sisya ethukĩĩsya maku yĩla ũkumya ũvoo, ethĩwa ti ũthũku kwĩka ũu.
