Maũvoo na isese sya kũea ngewa niwetaa ũndũ andũ maendeee kũtũmĩa Indaneti na valũa kũnyaĩĩkya kĩmena, na ũndũ maendeee kũthĩny’a angĩ nũndũ wa kĩmena. O na ĩngĩ, nĩkwĩthĩĩtwe na syĩko mbingĩ sya andũ kũvathũlwa, kũvũthw’a, kũumangwa, kũtĩswa, o na kwanangĩwa malĩ. Kĩla vandũ nĩvethĩawa na andũ aingĩ makuawa naĩ na makamenwa!

Ĩkaseti yĩĩ nĩyĩeleetye ũndũ tũtonya kũsinda kĩmena vyũ. Ũndũ ũsu ti ndoto. Nĩ ũndũ ũtonyeka nũndũ andũ aingĩ ĩũlũ wa nthĩ nĩmaendeee kũsinda kĩmena.