Mĩvango ya Kũũtetheesya Kũsoma Mbivilia
Vai ĩvuku yĩ ũtao mũseo ta Mbivilia. Osa ĩvinda kĩla mũthenya ũmĩsome na ũivindĩĩsya kĩla wasoma, na ĩndĩ ũiatĩĩa ũtao ũla wakwata. “Nĩvo ĩndĩ wĩaĩlya nzĩa yaku.” (Yosua 1:8; Savuli 1:1-3) O na ũkamũmanya Ngai na Mwana wake, Yesũ. Kũmamanya kũkaũtetheesya kũkwata ũtangĩĩo.—Yoana 17:3.
Waĩle kũatĩĩa mũvango wĩva yĩla ũũsoma Mbivilia? Ve mĩvango mingĩ ũtonya kũatĩĩa. Mũvango ũũ wĩ vaa wĩ na nzĩa ilĩ. Mbee, mavuku mavangĩtwe o ũndũ maatĩanĩe Mbivilianĩ, na kwoou no ũmasome maatĩanĩe oou. Kelĩ, ve na ikundi syĩ kĩvathũkanyʼo syonanĩtwʼe, na kwoou no ũtwʼe kũnyuva kĩkundi kĩla ũkwenda kwamba kũsoma. Kwa ngelekanyʼo, no ũtwʼe kũsoma ilungu ila wonetwʼe syĩ na ngewa ya Ngai na Aisilaeli. Kana ũkanyuva kũsoma ila ieleetye ũndũ kĩkundi kya Kĩklĩsto kyambĩĩiwʼe na kyeana. Kĩla mũthenya wasoma ilungu ila ũnengetwe sya mũthenya ũsu, mwaka ũithela nũũmina Mbivilia.
Waatĩĩa mũvango ũũ nũũtetheka, wĩthĩwe wĩmanthaa mũvango wonanĩtye ilungu sya kĩla mũthenya, mũvango wa mwaka ũmwe, kana mũvango wĩ laisi vyũ ũtonya kũatĩĩwa nĩ mũndũ ũkwambĩĩa kũsoma Mbivilia ya mbee. Umya mũvango wa kũũtetheesya kũsoma Mbivilia ũla wĩ vaa, na ũyambĩĩa kũũatĩĩa ũmũnthĩ.
No Wendeewʼe Nĩ Ii
MŨSYAĨĨSYA
Ndonya Kwĩka Ata Nĩ Kana Nambĩĩe Kũsoma Mbivilia?
Maũndũ atano matonya kũũtetheesya ũtanĩe kũsoma Mbivilia na ĩyĩthĩwa yĩ laisi kũmĩsoma.
MOSŨNGĨO MA MAKŨLYO MA MBIVILIA
Ũtonya Ata Kũmĩelewa Mbivilia?
O na ethĩwa umĩte va, nũtonya kũelewa ũvoo kuma kwa Ngai ũla wĩ Maandĩkonĩ Matheu.
ANDŨ MA MŨIKA MAKŨLASYA
Mbivilia Ĩtonya Kũndethya Ata?—Kĩlungu kya 1: Kwĩmanyĩsya Maũndũ Maingangĩ Mbivilianĩ
Ũkethĩa ĩsandũkũ ĩnene ya tene yĩvingĩwe syĩndũ sya lato mũnene vandũ, we tyo wende kũyĩvingũa ũmanye nĩ kyaũ kĩ vo? Mbivilia no ta ĩsandũkũ yĩu ĩnene yĩ syĩndũ sya lato. Yĩthĩawa na ũĩ mwingĩ mũno ũtonya kũelekanwʼa na tũvila twa thooa mũnene.
