Ũvoo Ũla wĩ Mbivilianĩ
Mbivilia nĩyo ĩvuku yĩla yĩnyaĩĩkĩtwʼe mũno kwĩ ĩvuku yĩngĩ o na yĩva, na andũ aingĩ nĩmatanĩaa kũmĩsoma. Ĩndĩ no wĩkũlye-ĩ, ‘Yo ĩvuku yĩu yĩ nguma yĩneenee kyaũ?’
Ĩvuku, Biblia—Ina Ujumbe Gani? yĩeleetye ũvoo ũla wĩ Mbivilianĩ kwa Ũkuvĩ. Ũvoo ũsu ũeleetwʼe kwa nzĩa ya kwendeesya na nũtonya kũũtetheesya ũelewe ũndũ ũla mũnene ũneenewe Mbivilianĩ. Ĩvuku yĩu yĩeleetye ũvoo ũla wĩ Mbivilianĩ kwambĩĩa na ũvoo wa wũmbi ũla wĩ ĩvukunĩ ya Mwambĩlĩlyo, nginya o na nĩyĩeleetye ĩũlũ wa wĩkwatyo mũseo wa ĩvinda yũkĩte ũla wĩ ĩvukunĩ ya Ũvuanyʼo. Ĩvuku yĩu nĩyonanĩtye myaka ĩla maũndũ meekĩkie. O na ĩngĩ, yĩ na visa sya kwendeesya na makũlyo ma kũsũanĩĩa andũ matonya kũneenea vamwe.
Soma ĩvuku, Biblia—Ina Ujumbe Gani? Indanetinĩ.
No Wendeewʼe Nĩ Ii
SYĨNDŨ SYA KŨŨTETHEESYA WĨMANYĨSYE MBIVILIA
Ĩandĩko ya Mũthenya
Ĩvuku Kũneenea Maandĩko Kĩla Mũthenya, yĩthĩawa yĩnenganĩte mũsoa wa kũsoma kĩla mũthenya wumĩte Mbivilianĩ na maelesyo makuvĩ ĩũlũ wawʼo.
SYĨNDŨ SYA KŨŨTETHEESYA WĨMANYĨSYE MBIVILIA
Mevu sya Kũndũ Kũla Kũwetetwe Mbivilianĩ
Ĩvuku, ‘Ona Nchi Nzuri’ yusĩe mevu na kyati syonanĩtye isio syĩ kĩvathũkanyʼo ila iwetetwe Mbivilianĩ, na mũno mũno Nthĩ ya Watho mavindanĩ me kĩvathũkanyʼo.