Chyum Laika sharin ya ai lam hpe chye wa hkra karum ya na matu Yehowa Sakse ni saw shaga ga ai. Chyum Laika hkaja lamang gaw:

•   Ngwi pyaw ai prat lu na matu

•   Karai hte jinghku byin na matu

•   Htawm hpang hte seng ai Chyum Laika ga sadi ni hpe chye na matu karum ya lu ai.

Ndai laika man hta

•  Chyum Laika sharin ai lamang hpe gara hku galaw a ta?

•  Chyum Laika hkaja lamang a matu manu jahpu jaw ra na kun?

•  Hkaja ai aten kade daram na ai kun?

•  Gara hku hkaja hpang na kun?

•  Loi mi daram shawng hkaja yu yang mai na kun?

•  Chyum Laika hkaja ai lamang hpe hkap la dat yang, sharin ya ai wa gaw Yehowa Sakse galaw na matu ngai hpe shadut na kun?

•  Tinang na Chyum Laika hpe sha lang mai na kun?

•  Hkaja lamang hta kaga ni hpe mung saw shaga mai ai kun?

•  Lai wa sai aten hta Yehowa Sakse ni hte hkaja ga ai nga yang, ya bai hkaja mai na kun?

•  Masha nan hkrum nna sharin ya ai n re ai sha, tinang hkrai Chyum Laika hkaja mai ai ladat nga ai kun?

 Chyum Laika sharin ya ai wa gaw, ga baw hta hkan nna Chyum Laika hpe grau chye wa hkra karum ya na re. Chyum Laika rau hkaja lamang laika buk re ai Htani Htana Ngwi Pyaw Ai Prat! laika buk hpe hkaja ai shaloi, Chyum Laika sharin ya ai lam ni, tinang hpe karum ya ai lam ni hpe angwi ngwi chye wa na re. Grau chye lu na matu ndai video hpe yu u.

 N jaw ra ai. Yehowa Sakse ni gaw “jahpu n ya ai sha nanhte lu la mu ai rai nna, jahpu n hpyi ai she jaw ya mu” ngu ai Yesu a lam matsun hpe hkan sa ai. (Mahte 10:8) Dai sha n-ga, hkaja na laika buk ni re ai Chyum Laika hte Htani Htana Ngwi Pyaw Ai Prat! laika buk ni a matu, manu jahpu n jaw ra ai.

 Ndai hkaja ai lamang hta daw 60 lawm ai. Na ai aten gaw, tinang jaw lu ai aten hta hkan ai. Law malawng gaw, bat mi hta kalang (sh) kalang hta n-ga, hkaja mayu ma ai.

1.  1. Online kaw na shawk shawn laika mara u. Dai hpe, nang hpyi shawn da ai hte maren nang hte matut mahkai lu hkra, Yehowa Sakse langai hpe lajang ya ai kaw sha lang na re.

2.  2. Chyum Laika sharin ya na wa gaw nang hpe matut mahkai wa na re. Chyum Laika sharin ya na wa gaw, Chyum Laika hkaja lamang hte seng ai lam hpe sanglang dan na re. Nang chye mayu ai lam ni hpe mung mahtai jaw ya na re.

3.  3. Nang mung, Chyum Laika sharin ya ai wa mung, hkaja lamang a matu rau lajang na re. Masha nan hkrum nna (sh) phone, video, laika ka ai, email ni hku nna hkaja mai ai. Hkaja lamang gaw hkyinghkum mi daram na chye ai. Masa hta hkan nna, na ai aten hpe galai shai mai ai.

 Mai ai. Online hta shawk shawn laika mara dat u. Chyum Laika sharin ya na wa matut mahkai wa yang, loi mi daram shawng hkaja mayu ai lam tsun dan u. Hkaja lamang hpe nang ra ai kun? N ra ai kun? ngu ai hpe chye hkra karum ya na, daw 3 lawm ai Htani Htana Ngwi Pyaw Ai Prat! brochure hpe shi akyu jashawn na re.

 Shadut na n re. Yehowa Sakse ni gaw, kaga ni hpe Chyum Laika sharin ya mayu ma ai. Raitim, hpung shang na matu galoi n shadut ai. Chyum Laika sharin ya ai lam hpe sha, sharin ya ma ai. Masha shagu tinang kamsham ai hpe, lata na ahkang nga ai hpe hkungga let hkap la ai.—1 Petru 3:15.

 Mai ai. Tinang ra sharawng ai gara Chyum Laika hpe raitim mai lang ai. Anhte gaw, chye na loi nna, tup hkrak re ai Mungkan Nnan Ga Gale Chyum Laika lang ai hpe ra sharawng ai. Masha law malawng gaw, tinang ayan hti ai Chyum Laika hpe sha hti mayu ai hpe anhte chye na ai.

 Mai ai. Nta masha ni, manang ni hpe saw shaga mai ai.

 Mai ai. Dai ni aten a mungkan masa hte maren gram lajang da ai lam ni re ai majaw, hkaja lamang hpe moi na hta, ya grau ra sharawng na re. Myi hta pra pra mu wa hkra, shada da grau bawngban lu hkra lajang da ya ai.

 Nga ai. Chyum ga sharin law malawng gaw, sharin ya ai wa a karum shingtau lam hte sharin hkam la nga ai. Nkau gaw, tinang hkrai shawng hkaja ai hpe ra sharawng ai. Chyum Laika Hkaja Ai Hkingrai Ni ngu ai laika man hta, Chyum Laika hkaja ai shaloi karum ya lu ai hkingrai, laili laika ni hpe manu jahpu n jaw ra ai sha lu mai ai. Lawu na hkingrai ni mung karum ya lu ai.

•   Chyum Laika Video Ni. Video kadun ni gaw, ahkyak ai Chyum Laika sharin achyin lam ni hpe sanglang da ai.

•   Chyum Laika Ga San Ni A Mahtai. Dai sumhpa ni gaw Chyum Laika ga san law law hpe mahtai jaw da ai.

•   Chyum Daw Ni Hpe Sanglang Dan Ai Lam. Masha law malawng chye ai Chyum daw ni, ga hkaw ni a lachyum hpe sanglang da ya ai.