1. Ninggawn tawa hpe hkik hkam hkra,

Yehowa hpan tawn da.

Sumsing lamu hte ginding ga,

Shi a atsam madun.

Asak hkrung lu ai kumhpa jaw,

Hkrung mahkrung yawng hpe hpan.

Shakawn shagrau ai lam ni yawng hte

Nawku dawjau lam lu ging.

2. Dinghpring lam hpring tsup na matu,

Yesu hkalup hkam wa.

‘Karai magam gun hpai na’ ngu,

Yesu akyu hpyi wa.

Hkalup hkam ai Yawdan Hka hta

Karai namman chya ya.

Karai a magam ngut kre lu hkra,

Shagrit shanem let hpyi shawn.

3. Mying ningsang shakawn na matu,

Karai shawng de sit sa.

Anhte a prat hpe sak jaw let

Anhte hkum hpe apnawng.

Kasha shingtai hpe nang jaw wa,

Manu dan ai hkungga.

Tingkyeng akyu hpe n tam ai sha,

Na a matu sak hkrung na.