HKAJA NA LAM NI
Karai A Sharawng Awng Ai Lam Lu Mayu Ai Wa Gaw Kaja Ai Dawdan Lam Jahkrat
Esaw hte Yaku kaja ai dawdan lam jahkrat ai, n jahkrat ai hpe chye na matu, Ningpawt 25:29-34 hpe hti u.
Lawu lahta chyum daw ni hpe hkaja u. De a shawng hta hpa byin wa ai kun? (Nin 25:20-28) Dai hpang hpa byin wa ai kun?—Nin 27:1-46.
Ahkri ahkrai kahtap tam u. Dai prat na kasha alat a ahkaw ahkang ni, lit ni gaw hpa ni kun?—Nin 18:18, 19; w10-BU 5/1 13.
-
Meshia a jiwoi jiwa byin na matu, kasha alat rai nan rai ra na kun? (w18.02 31-32)
Sharin la lu ai lam ni hpe myit u. Tatut hkan sa u. Kasha alat aya hpe Esaw hta na Yaku hpa majaw grau manu shadan ai kun? (Heb 12:16, 17; w03-BU 10/15 28-29) Shan nau hpe Yehowa gara hku sawn la ai kun? Hpa majaw kun? (Mal 1:2, 3) Kaja ai dawdan lam jahkrat lu na matu, Esaw hpa galaw wa ging ai kun?
-
Tinang hkum tinang san u, ‘Bat mi a matu aten chyarang galaw ai shaloi, dinghku nawku a matu chyarang galaw ai shaloi, Karai a sharawng awng ai lam lu mayu ai hpe ngai gara hku madun mai ai kun?’
