N sharin shi yang

1. 1. Atsawm hkyen lajang u. Chyum ga sharin a ra kadawn ai lam, masa, hkam la da ai lam ni hpe myit shalawm u. Chyum ga sharin chye na na matu, hkap la nna tatut galaw na matu yak chye ai lam ni hpe tau hkrau nna myit da u. “Sawk Sagawn” daw hta lawm ai laili laika ni, video ni gaw Chyum ga sharin hpe gara hku karum ya lu ai hpe myit yu u. Ra wa yang, sharin nga ai laman akyu jashawn lu na matu tau hkrau shajin da u.

Sharin nga ai aten

1. 2. Chyum ga sharin myit hkrum yang, n sharin shi yang hte ngut ai hpang akyu hpyi u.

2. 3. Ga law law n shaga na matu sadi u. Laika buk hta lajang da ya ai lam hpe myit maju jung u. Chyum ga sharin hpe tsun na ahkang jaw u.

3. 4. Daw kaba nnan hpe hpang shagu, dai daw kaba a madung lam hpe hti u. Dai hta lawm ai daw ni a ga baw nkau hpe tsun dan u.

4. 5. Daw kaba langai ngut shagu, sharin la wa ai lam ni hpe Chyum ga sharin matsing na matu, bai maram ngu ai daw hpe bawngban u.

5. 6. Chyum ga sharin hte daw langai hpe hkaja shagu:

   1. Laika pang hpe hti u.

   2. “Hti u” ngu ai chyum daw yawng hpe hti u.

   3. Ra wa yang lakap da ai chyum daw ni hpe hti u.

   4. “Hpaw” ngu ai video yawng hpe yu u. (nga ai nga yang)

   5. Chyum ga sharin hpe ga san san u.

   6. “Kahtap Hkaja” hta lawm ai sumla ni hpe yu shangun u. Sumla hte seng nna mahtai jaw shangun u.

   7. Wenyi lam hta rawt jat nga ai kun? ngu ai hpe Chyum ga sharin chye hkra “Bandung” ngu ai lawk hpe akyu jashawn u. Ga shadawn tsun da ai bandung, kaga bandung (sh) dai bandung lahkawng yan tawn na matu shi hpe n-gun jaw u.

   8. Hkaja na daw hpe tau hkrau hti ai shaloi, “Sawk Sagawn” ngu ai daw hta laksan hku nna ra sharawng ai sumhpa (sh) video langai ngai nga ai kun? ngu san u.

   9. Kalang sharin yang daw langai ngut lu hkra shakut u.

Sharin ngut ai hpang

1. 7. Chyum ga sharin a lam hpe matut myit u. Shi a rawt jat lam hpe shaman chyeju jaw na matu, shi hpe gara hku karum ya ra na hpe chye hkra, nyan hpaji jaw na matu Yehowa kaw akyu hpyi u.