ASS-​A, mačči d uguren i gxuṣṣen. D imelyunen n yemdanen i ḥuzant lgirrat, lmuṣibat am zzelzlat ţ-​ţbuciḍanin, lehlak, tigullelt (timuɣbent), lefsad ţ-​ţwaɣiyin nniḍen. Yerna tesɛiḍ ahat ula d kečč inezgumen i teţmagareḍ yal ass di temɛict-​ik. Anwa i gzemren a ɣ-​iɛiwen? Yella win yeţḥebbiṛen fell-​aneɣ?

Atan s wacu i nezmer a neḍmen: Ṛebbi yeţḥebbiṛ s ṣṣeḥ fell-​aneɣ. Yenna-​d deg Wawal-​is iqedsen: “Eɛni aţ-​ţeţţu tmeṭṭut llufan i tessuṭṭuḍ? Ur ţ-​iţɣaḍ ara win i d-​tefka tɛebbuṭ-​is? Ula ţ-​ţilawin-​agi zemrent ad ţţunt, ma d nekk ur [k]-​teţţuɣ ara.” a

Mačči d ayen i ɣ-​iţṣebbiren? Neẓra belli tasa n tyemmaţ d lḥisas akk iǧehden i zemren ad sɛun yemdanen. Lameɛna, leḥmala yesɛa Ṛebbi tugar leḥmala yeččuṛen d lḥanna i tezmer a d-​tbeggen tyemmaţ i llufan-​is. D lmuḥal akk a ɣ-​yeǧǧ Ṛebbi! Daɣneţţa, iɛawen-​aɣ yakan s lemɛawna ifazen. Acu i gexdem? Yessken-​aɣ-​d belli d liman n ṣṣeḥ i d abrid yessufuɣen ɣer sseɛd.

Liman n ṣṣeḥ yeţţarra-​yaɣ d iseɛdiyen. Yeţɛawan-​aɣ a nerwel ɣef waṭas n wuguren w’a neɣleb wid iɣef ur nezmir ara a nerwel. Liman yeţɛawan-​aɣ daɣen a nqerreb ɣer Ṛebbi. Ayagi yeţţawi-​d talwit i wul d lxaṭer. Lḥaǧa taneggarut, liman yeţţak-​aɣ-​d asirem itɛeddan: tamɛict i lebda di Lǧennet!

Meɛna, acu i d liman n ṣṣeḥ? Yerna amek i nezmer a t-​nekseb?