TIMEƔRI TIS 42
D acu i d-yeqqar Wedlis Iqedsen ɣef zzwaǧ?
Di kra n tmura, lɣaci qqaren-as belli ilaq a nezweǧ bac a nɛic di lfeṛḥ. Acu kan, llan wid izewǧen i geţɛicin di leḥzen, llan wid ur nezwiǧ ara i geţɛicin di lfeṛḥ. Adlis Iqedsen yeqqar-ed belli, am win izewǧen, am win ur nezwiǧ ara, ayagi ţ-ţukci sɣur Ṛebbi.
1. Acu n lfayda ara yaf win ur nezwiǧ ara?
Adlis Iqedsen yeqqar-ed: ‘Win izewǧen yexdem ayen yelhan, win ur nezwiǧ ara yexdem xiṛ’ (ɣer-ed 1 Ikurintiyen 7:32, 33, 38). Acuɣer i d-yenna Wedlis Iqedsen belli win ur nezwiǧ ara “yexdem xiṛ”? Win ur nezwiǧ ara, yesɛa tilelli akteṛ. Ɣef lemtel, yeshel fell-as ad iṛuḥ ad iberreḥ lexbaṛ n lxiṛ deg wemkan nniḍen neɣ di tmurt nniḍen. Uyerna, yesɛa lweqt akteṛ akken ad yesseǧhed tadukli-ines akk-d Yahwa.
2. Acu n lfayda ara yaf win izewǧen?
Win izewǧen daɣen yezmer ad yaf lfayda. Adlis Iqedsen yeqqar-ed: “Axiṛ sin wala yiwen” (Amusnaw 4:9). Ayagi d ṣṣeḥ abeɛda m’ara ṭṭebbiqen imezwaǧen imenzayen n Wedlis Iqedsen. M’ara yezweǧ wergaz akk-d tmeṭṭut, ţţemɛahaden ad myeḥmalen w’ad ţţemqadaren. Ɣef wayagi i ţţilin di laman akteṛ n wid yeţɛicin lwaḥid mebla ma zewǧen. Zzwaǧ yeţɛawan daɣen dderya ad gmun di lehna d laman.
3. Amek i geţwali Yahwa zzwaǧ?
Asmi i gesdukkel Yahwa Adam d Ḥewwa di zzwaǧ, yenna-yasen: “Argaz ad yeǧǧ baba-s d yemma-s, ad ilseq ɣer tmeṭṭut-is” (Laṣel n ddunit 2:24). Yahwa yebɣa i wergaz ţ-ţmeṭṭut izewǧen ad myeḥmalen yerna ad ɛicen lwaḥid ayen akk ara tekk tudert-nsen. Ur iqebbel ara berru ḥaca ma yexdem yiwen deg-sen zzna. Di liḥala-yagi, Yahwa yefka lḥeqq i win akken ur nezni ara ad yebru a ma yebɣa (Matta 19:9). Yahwa yeṭṭalab i umasiḥi ad yezweǧ d yiwet n tmeṭṭut kan, yeṭṭalab daɣen i tmasiḥit aţ-ţezweǧ d yiwen wergaz kan (1 Timutawus 3:2).
A NNADI A NEFHEM AKTEṚ
A nẓer amek i nezmer a nɛic di lfeṛḥ yerna a nessefṛeḥ Yahwa, ama nezweǧ ama ur nezwiǧ ara.
4.Tzemreḍ aţ-ţafeḍ lfayda di tudert-ik ɣas m’ur tezwiǧeḍ ara
Ɛisa yessefhem-ed belli xas ur yezwiǧ ara walbeɛḍ, ayagi ţ-ţukci sɣur Ṛebbi (Matta 19:11, 12). Ɣret-ed Matta 4:23, mbeɛd hedṛet ɣef westeqsi-yagi:
-
Ɛisa ur yezwiǧ ara. Amek i t-tɛawen liḥala-yagi-ines bac ad yeqdec ɣef Baba-s yerna ad yexdem lxiṛ i wiyaḍ?
Am Ɛisa, amasiḥi ur nezwiǧ ara yezmer ad iɛic di lfeṛḥ. Walit BIDYU-YAGI, mbeɛd hedṛet ɣef westeqsi i d-iţeddun.
-
D acu yakk i zemren a t-xedmen imasiḥiyen ur nezwiǧ ara?
Tɛelmeḍ?
Ur d-yenni ara Wedlis Iqedsen acḥal i glaq ad yili leɛmeṛ n win ara izewǧen. Meɛna, yeţweṣṣi-yaɣ akken ur neţnadi ara a nezweǧ “m’ara teǧǧuǧǧug temẓi-nneɣ” yeɛni ma mazal-aɣ meẓẓiyit, axaṭer imi ur nḥekkem ara di ccehwat-nneɣ, nezmer a neṭṭef leqrarat n diri (1 Ikurintiyen 7:36, TMN).
5. Xtiṛ akken ilaq d menhu ara tzewǧeḍ
M’ara textiṛeḍ tin (neɣ win) ukud ara tzewǧeḍ, ayagi d yiwen ger leqrarat yesɛan lqima tameqrant ara teṭṭfeḍ. Ɣret-ed Matta 19:4-6, 9, mbeɛd hedṛet ɣef westeqsi-yagi:
-
Acuɣer i s-ilaq i umasiḥi ad imeyyez aṭas uqbel ad yezweǧ?
Adlis Iqedsen yezmer a k-iɛiwen aţ-ţeẓreḍ d acu-tent ṣṣifat i glaq aţ-ţnadiḍ ɣer tin (neɣ win) ukud ara tzewǧeḍ. Tamezwarut, ilaq aţ-ţḥemmel (neɣ ad iḥemmel) Yahwa b. Ɣret-ed 1 Ikurintiyen 7:39 akk-d 2 Ikurintiyen 6:14, mbeɛd hedṛet ɣef yesteqsiyen-agi:
-
Acuɣer i glaq a nezweǧ ḥaca ţ-ţin (neɣ d win) i geţţeɛbaden Yahwa?
-
Ɣef lemtel, ma yeqsed umasiḥi ad yezweǧ akk-d tin ur neţţeɛbad ara Yahwa, s wacu ara iḥuss Yahwa?
Ma nesdukkel ddaw n yiwen uzaglu sin n lḥiwan yemxallafen, ad nɛeţţaben i sin yid-sen. Kifkif daɣen, ma yezweǧ umasiḥi d walbeɛḍ ur nqeddec ara ɣef Yahwa a d-iɛeddi si cceddat.
6. Ţwali zzwaǧ akken i t-yeţwali Yahwa
Di zzman n wat Isṛayil n zik, llan yergazen i gberrun i tlawin-nsen axaṭer ţxemmimen kan ɣef yiman-nsen. Ɣret-ed Malaxi 2:13, 14, 16, mbeɛd hedṛet ɣef westeqsi-yagi:
-
Ayɣer i gekṛeh Yahwa berru ɣef ssebbat ur nwulem ara?
Zzna akk-d berru gellun-d s waṭas n lqerḥ.
Walit BIDYU-YAGI, mbeɛd hedṛet ɣef westeqsi i d-iţeddun.
-
Ma tzewǧeḍ d walbeɛḍ ur nqeddec ara ɣef Yahwa, d acu i tzemreḍ aţ-ţxedmeḍ akken ad yili lfeṛḥ di zzwaǧ-nwen?
7. Ţqadar lumuṛ n Yahwa yeɛnan zzwaǧ
Tikwal ilaq lmeǧhud d ameqran akken a netbeɛ lumuṛ n Yahwa yeɛnan zzwaǧ c. Acu kan, wid yettabaɛen lumuṛ-is a ten-ibarek. Walit BIDYU-YAGI.
Iɛebṛaniyen 13:4 (Ṭrejma n ddunit tajdiṭ, s tṛumit) yeqqar-ed: “Akken ma tellam ɛuzzet zzwaǧ, ur ssemsaxet ara usu n zzwaǧ, axaṭer Ṛebbi ad iḥaseb wid ixeddmen lɛaṛ akk-d wid izennun.” Hedṛet ɣef yesteqsiyen-agi:
-
Ɛlaḥsab-ik, yewɛeṛ fell-aneɣ a netbeɛ lumuṛ n Yahwa yeɛnan zzwaǧ? Ayɣer i d-tǧawbeḍ akka?
Di lketṛa n tmura, llan leqwanen yeɛnan leɛqed n zzwaǧ akk-d berru. Yahwa yeṭṭalab i imasiḥiyen ad ţqadaren leqwanen-agi. Ɣret-ed Titus 3:1, mbeɛd hedṛet ɣef westeqsi-yagi:
-
Ma tzewǧeḍ, tetḥeqqeḍ belli txedmem leɛqed ɣur lḥukuma?
KRA QQAREN: “Ma yella argaz ţ-ţmeṭṭut-is ur ţţemsefhamen ara, axiṛ ad msebrun.”
-
D acu ara s-tǧawbeḍ i win ara k-d-yinin akka?
AYEN I D-NELMED
Adlis Iqedsen yeqqar-ed belli, am win izewǧen, am win ur nezwiǧ ara, ayagi ţ-ţukci sɣur Yahwa. Zemren ad ilin i sin di lfeṛḥ ma ttabaɛen lumuṛ n Yahwa.
A d-nesmekti
-
Win ur nezwiǧ ara, ama d argaz ama ţ-ţameṭṭut, yezmer ad yaf lfeṛḥ di tudert-is. Amek?
-
Ayɣer i ɣ-d-yeṭṭalab Wedlis Iqedsen a nezweǧ ḥaca d walbeɛḍ i gqeddcen ɣef Yahwa?
-
Deg Wedlis Iqedsen tella yiwet n ssebba kan iɣef i gezmer wergaz ţ-ţmeṭṭut-is ad msebrun. D acu-ţ?
TZEMREḌ AŢ-ŢWALIḌ DAƔEN
Acu i d lmeɛna-s ‘a nezweǧ d win kan iqeddcen ɣef Ssid’?
Lewṣayat yeɛnan lemɛacṛa akk-d zzwaǧ deg yiwet n bidyu s sin yeḥricen.
Wali acuɣer i d-yenna yiwen n gma-tneɣ belli ayen i s-d-yefka Yahwa yif s waṭas ayen i s-iṛuḥen.
Ɣef wacu i glaq a nmeyyez uqbel a neṭṭef leqrar ma ilaq a nemsebru neɣ a nemfaraq?
Honore “ce que Dieu a uni” (La Tour de Garde, décembre 2018)
a Tirawt 4 tebder-ed ssebbat iɣef i gezmer wergaz ţ-ţmeṭṭut-is ad mfaraqen ɣas m’ur d-yelli ara zzna.
b Di kra n tmura, d imawlan i geţţextiṛin d menhu ara yezweǧ mmi-tsen neɣ yelli-tsen. Imawlan i gḥemmlen dderya-nsen ur ţmuqulen ara ɣer yedrimen neɣ ɣer ssɛaya, meɛna ţţextiṛin i dderya-nsen wid i gḥemmlen Yahwa.
c Ma teţɛiciḍ d walbeɛḍ ukud ur tezwiǧeḍ ara, d kečč (neɣ d kemm) ara yeṭṭfen leqrar ma ilaq aţ-ţzewǧem neɣ aţ-ţemfaraqem.
Tzemreḍ aţ-ţwaliḍ daɣen…
ISTEQSIYEN I D-IŢŢUƔALEN DIMA
Amek i sɣarayen Inagan n Yahwa Adlis Iqedsen?
M’ara teɣreḍ baṭel Adlis Iqedsen akk-d Inagan n Yahwa, tzemreḍ aţ-ţessexdmeḍ adlis-ik iqedsen w’a d-tɛerḍeḍ iɛeggalen n twacult-ik neɣ leḥbab-ik.
