Aṭas i geţwalin belli amidag (ṣṣalib) yeţmettil-ed ddin amasiḥi di ddunit meṛṛa. Nekni d imasiḥiyen i nella; acu kan ur nessexdam ara amidag di ddin-nneɣ. Acimi?

 Lḥaǧa tamezwarut, ɛlaḥsab n Wedlis Iqedsen, Ɛisa ur yemmut ara ɣef umidag, lameɛna ɣef tgejdit. Tis snat, Adlis Iqedsen yefka-d lameṛ-agi i imasiḥiyen: “Rewlet mebɛid i weɛbad n lmeṣnuɛat”. Ihi, ur sen-ilaq ara i imasiḥiyen ad ssexdamen amidag di leɛbada-nsen.—1 Ikurintiyen 10:14; 1 Yuḥenna 5:21.

 Ur nteţţu ara daɣen ayen akka i d-yenna Ɛisa: “Atan wamek ara ɛeqlen medden belli kwenwi d inelmaden-iw: ma temyeḥmalem gar-awen.” (Yuḥenna 13:34, 35) Ɛisa yesbeggen-ed belli ayen is i glaq ad ţwissnen inelmaden-is n ṣṣeḥ d leḥmala i gzemren aţ-ţessiweḍ bab-is alamma yefka iman-is d asfel, mačči d amidag neɣ d kra n tɣawsa nniḍen n leɛbada.