2023 წლის დასაწყისში ბევრმა ადამიანმა უსურვა ერთმანეთს საუკეთესო სურვილები. რა დაგეხმარებათ, მომავალს იმედის თვალით უყუროთ?

 ბიბლიიდან ვიგებთ, რომ ის პრობლემები, რომლებსაც დღეს ვხვდებით, დროებითია და მალე წარსულს ჩაჰბარდება. აღსანიშნავია, რომ ბიბლია „ჩვენ სასწავლებლად დაიწერა, რათა... წმინდა წერილებიდან მიღებული ნუგეშით გვქონდეს იმედი“ (რომაელები 15:4).

•   თუ გსურთ, გაიგოთ, რა იმედს გვისახავს ბიბლია, წაიკითხეთ სტატია „უკეთესი მომავლის რეალური იმედი“.

 ბიბლიური იმედი, ასე ვთქვათ, „ღუზასავით არის ჩვენთვის“ (ებრაელები 6:19). ეს იმედი გვეხმარება, წონასწორობა არ დავკარგოთ და დღესვე გავუმკლავდეთ პრობლემებს, გვქონდეს დადებითი განწყობა და დარწმუნებულები ვიყოთ იმაში, რომ უსასრულო ბედნიერებით გავიხარებთ.

•   უყურეთ ვიდეოს „ყველაფერი ყელში ამომივიდა“ და გაიგეთ, როგორ დაეხმარა ბიბლიური იმედი ერთ მამაკაცს, დაეძლია მავნე ჩვევები.

•   უყურეთ ვიდეოს „ნუგეში მგლოვიარეთათვის“ და გაიგეთ, როგორ გვანუგეშებს ბიბლიური იმედი, როცა საყვარელი ადამიანი ხელიდან გვეცლება.

 ბევრი იმედოვნებს, რომ ცხოვრება უკეთესობისკენ შეიცვლება. თუმცა მათ არა აქვთ მტკიცე გარანტია იმისა, რომ მათი მოლოდინი გამართლდება. ბიბლიური დანაპირები კი საიმედოა, რადგან მომავლის იმედს იეჰოვა ღმერთი a გვისახავს, რომელმაც „შეუძლებელია, იცრუოს“ (ტიტე 1:2). მხოლოდ იეჰოვას შესწევს ძალა, რეალობად აქციოს ყველაფერი, „თუკი რამეს მოისურვებს“ (ფსალმუნი 135:5, 6).

 ჩვენ ძალიან გვსურს, ბიბლიამ თქვენც ჩაგისახოთ მომავლის უტყუარი იმედი. თუ გულდასმით გამოიკვლევთ წმინდა წერილებს, შეძლებთ მომავალს იმედის თვალით უყუროთ (საქმეები 17:11). გაეცანით ბიბლიის ინდივიდუალურ სასწავლო კურსს, რომელიც წმინდა წერილების გამოკვლევაში დაგეხმარებათ, და დაიწყეთ 2023 წელი ოპტიმისტური განწყობით.