ფსალმუნები 71:1—24
71 შენ შეგაფარე თავი, იეჰოვა,
დაე ნურასდროს შევრცხვები!+
2 შენი სიმართლის გამო მიხსენი და გადამარჩინე,
ყური მომაპყარი და მიხსენი.+
3 თავშესაფარი იყავი ჩემთვის კლდეზე,ნებისმიერ დროს რომ შეგაფარო თავი.
გთხოვ, ბრძანე ჩემი შველა,რადგან შენა ხარ ჩემი კლდე და ციხესიმაგრე!+
4 ჩემო ღმერთო, მიხსენი ბოროტის ხელიდან,+მჩაგვრელი და უსამართლო კაცის ხელიდან.
5 შენა ხარ ჩემი იმედი, უზენაესო უფალო, იეჰოვა,სიჭაბუკიდანვე შენზე ვარ მონდობილი.+
6 დაბადებიდანვე შენ იმედად ვარ,შენ გამომიყვანე დედის მუცლიდან;+
შენ გაქებ მუდამ.
7 მრავალია განცვიფრებული ჩემით,მაგრამ ჩემთვის შენა ხარ მტკიცე თავშესაფარი.
8 მთელი დღე შენ გაქებს ჩემი ბაგე+და შენს დიდებულებაზე ვლაპარაკობ.
9 ნუ მიმაგდებ სიბერეში,+ნუ მიმატოვებ დაუძლურებულს.+
10 ჩემი მტრები ჩემ წინააღმდეგ ლაპარაკობენ,შეთქმულან ჩემი მოკვლის მსურველნი,+
11 ამბობენ, ღმერთმა მიატოვა,
დავედევნოთ და შევიპყროთ, რადგან არა ჰყავსო მშველელი.+
12 ღმერთო, შორს ნუ დაიჭერ თავს ჩემგან.ჩემო ღმერთო, იჩქარე ჩემ დასახმარებლად.+
13 შერცხვნენ და დაიღუპონჩემი მოწინააღმდეგეები;+
შერცხვნენ და დამცირდნენჩემი გაუბედურების მსურველები.+
14 მე კი კვლავაც დაგელოდებიდა კიდევ უფრო განგადიდებ.
15 შენს სიმართლეზე ილაპარაკებს ჩემი ბაგე;+მთელი დღე ვილაპარაკებ იმ საქმეებზე, რაც შენ, მხსნელ ღმერთს, მოგიმოქმედებია, თუმცა მათ თვლა არა აქვს.+
16 წავალ და შენს ძლევამოსილებაზე ვილაპარაკებ,უზენაესო უფალო, იეჰოვა;მხოლოდ შენს სიმართლეზე ვილაპარაკებ.
17 ღმერთო, სიჭაბუკიდანვე მასწავლი+და დღემდე შენს გასაოცარ საქმეებს ვაცხადებ.+
18 ღმერთო, ნურც მაშინ მიმატოვებ, როცა დავბერდები და გავჭაღარავდები;+
მინდა, ვუამბო შენი ძალის შესახებ მომავალ თაობასდა შენი ძლევამოსილების შესახებ მოვუთხრო ჯერ არშობილთ.+
19 ცას სწვდება შენი სიმართლე, ღმერთო;+დიდებული საქმეები მოიმოქმედე,ვინ შეგედრება, ღმერთო?!+
20 მრავალი გასაჭირი და უბედურება გამომატარე,+მაგრამ, გთხოვ, კვლავ გამომაცოცხლედა ამომიყვანე მიწის სიღრმიდან!+
21 დამიბრუნე ძველი დიდება,დამიფარე და მანუგეშე.
22 მაშინ სიმებიანი საკრავით შეგასხამ ხოტბასშენი ერთგულების გამო, ჩემო ღმერთო!+
ქნარს ავაჟღერებ და გიგალობებ,ისრაელის წმინდავ!
23 გიგალობებ და სიხარულით იყიჟინებს ჩემი ბაგე,+რადგან შენ ხარ ჩემი გადამრჩენი.+
24 ჩემი ენა მთელი დღე შენს სიმართლეზე ილაპარაკებს,+რადგან შერცხვებიან და დამცირდებიან ჩემი დაღუპვის მსურველნი.+
