Njenengan Arep Ngikuti Tuntunané Sapa?
Awaké dhéwé isa bahagia apa ora kuwi bergantung karo tuntunané sapa sing diikuti. Mulané Gusti Allah Yéhuwah péngin awaké dhéwé manut tuntunané.
Yéhuwah péngin awaké dhéwé ngrasa ayem lan bahagia.
”Aku Yéhuwah Gusti Allahmu, sing mulang kowé soal apa waé sing ana manfaaté kanggo kowé, sing nuntun kowé bèn kowé ngerti apa sing kudu mbok tindakké. Nèk kowé manut karo préntah-Ku, kowé bakal terus ngrasa ayem, kaya kali sing terus mili, lan kowé bakal terus nindakké apa sing bener, kaya ombaké laut sing ora tau mandheg.”—Yésaya 48:17, 18.
Gusti Allah sing nyiptakké awaké dhéwé. Dadi, Dhèwèké sing paling ngerti piyé bèn awaké dhéwé bahagia. Dhèwèké péngin awaké dhéwé manut tuntunané kuwi demi manfaaté awaké dhéwé. Nèk manut tuntunané Gusti Allah, awaké dhéwé isa yakin hasilé mesthi apik. Awaké dhéwé ya isa selalu nggawé keputusan sing apik sing marakké ayem lan bahagia.
Yéhuwah ora ngongkon awaké dhéwé melakukan sesuatu sing ngluwihi kesanggupan.
”Préntah sing tak omongké marang kowé dina iki ora angèl dipahami lan ora angèl dilakoni.”—Pangandharing Torèt 30:11.
Mémang nèk manut tuntunané Yéhuwah, kudu ngupaya bèn pikiran lan tingkah lakuné awaké dhéwé sesuai karo karepé Yéhuwah. Tapi, Yéhuwah ngerti kesanggupané awaké dhéwé. Dhèwèké ora njaluk ngluwihi kuwi. Nèk wis kenal Yéhuwah, awaké dhéwé bakal ngerti nèk ”préntah-préntahé kuwi ora abot”.—1 Yohanes 5:3.
Yéhuwah janji bakal mbantu wong-wong sing péngin manut tuntunané.
”Aku, Yéhuwah Gusti Allahmu, bakal nyekel tanganmu tengen lan ngomong karo kowé, ’Aja wedi, Aku bakal nulungi kowé.’”—Yésaya 41:13.
Awaké dhéwé isa manut tuntunané Gusti Allah merga Gusti Allah mesthi mbantu. Dhèwèké mbantuné liwat Alkitab sing isiné omongané. Nèk ngerti isiné, awaké dhéwé bakal dikuwatké lan nduwé harapan.
Jutaan wong sak donya wis ngrasakké dhéwé manfaaté merga manut tuntunan ing Alkitab. Njenengan ya isa ngrasakké kuwi nèk sinau isiné Alkitab. Njenengan isa mempelajari isiné Alkitab nganggo brosur Bahagia Saklawasé sing isa diundhuh gratis ing jw.org/jv. Ing brosur kuwi ana pelajaran sing judhulé:
-
Manfaaté Alkitab kanggo Njenengan
-
Janji ing Alkitab
-
Ngapa Kok Percaya Nèk Isiné Alkitab Bener?
Pas mempelajari Alkitab, njenengan bakal ngerti nèk isiné bermanfaat nganti saiki. Kuwi ”isa diendelké nganti saklawasé”. (Mazmur 111:8) Nèk manut tuntunan ing Alkitab, awaké dhéwé bakal bahagia. Tapi Gusti Allah ora meksa. (Pangandharing Torèt 30:19, 20; Yosua 24:15) Awaké dhéwé sing mutuské.
