Yéhuwah péngin awaké dhéwé crita karo Dhèwèké soal kabèh beban utawa kekuwatirané awaké dhéwé. (Mazmur 55:22, lan cathetan ngisor) Embuh masalahé cilik apa gedhé, tapi nèk kuwi penting kanggo awaké dhéwé, Yéhuwah ya nganggep kuwi penting. Nèk péngin ngrasa ayem, ya kudu ndonga.​—Filipi 4:6, 7.

Pas ngadhepi masalah keséhatan méntal, isa waé ngrasa dhèwèkan. Wong liya ora selalu isa memahami sing awaké dhéwé alami. (Wulang Bebasan 14:10) Tapi nèk ndonga, Gusti Allah mesthi bakal ngrungokké lan isa memahami perasaané awaké dhéwé. Yéhuwah ngerti isi ati, rasa sedhih, lan masalahé awaké dhéwé. Kabèh sing dikuwatirké isa dicritakké.​—2 Babad 6:29, 30.

Donga isa marakké awaké dhéwé tambah yakin nèk Yéhuwah perduli. Awaké dhéwé ya dadi isa yakin kaya penulis Mazmur sing ngomong, ”Njenengan ndelok nèk aku sengsara, lan Njenengan ngerti nèk aku susah banget.” (Mazmur 31:7) Ngerti nèk Yéhuwah nggatèkké kuwi wis nguwatké banget. Tapi Yéhuwah ora mung nggatèkké kesusahané awaké dhéwé thok. Dhèwèké isa nguwatké lan nggawé awaké dhéwé tenang liwat ayat-ayat ing Alkitab. Dhèwèké terbukti sing paling memahami awaké dhéwé.