Apa Njenengan Isa Kenal karo Gusti Allah?
Ana akèh wong sing ngakuné percaya karo Gusti Allah. Tapi, pendapaté wong-wong kuwi soal Gusti Allah béda-béda. Ana sing ngomong nèk Gusti Allah kuwi seneng ngukum wong sing salah. Liyané ngomong nèk Gusti Allah kuwi sayang lan seneng ngampuni wong-wong, ora soal kaya apa tingkah lakuné wong-wong kuwi. Ana manèh sing ngomong nèk Gusti Allah ora perduli karo manungsa. Merga ana pendapat sing béda-béda kuwi, wong-wong ngrasa ora bakal isa kenal karo Gusti Allah.
Apa kenal karo Gusti Allah kuwi penting? Ya, soalé nèk kenal karo Gusti Allah, awaké dhéwé isa bahagia. (Kisah 17:26-28) Nèk awaké dhéwé tambah akrab karo Gusti Allah, Dhèwèké ya bakal tambah sayang karo awaké dhéwé. (Yakobus 4:8) Terus, nèk wis kenal tenan karo Gusti Allah, awaké dhéwé isa nduwé harapan kanggo urip saklawasé.—Yohanes 17:3.
Piyé carané isa kenal karo Gusti Allah? Kuwi padha kaya awaké dhéwé péngin nduwé kanca akrab. Awaké dhéwé kudu ngerti sapa jenengé, piyé sifat-sifaté, apa sing disenengi lan sing ora, apa waé sing wis dilakukan, lan apa kepénginané. Nèk ngerti kuwi kabèh, awaké dhéwé isa dadi akrab karo wong kuwi.
Dadi, awaké dhéwé isa kenal karo Gusti Allah nèk ngerti iki:
Ing majalah iki bakal dirembug jawaban saka Alkitab kanggo pertanyaan-pertanyaan kuwi. Njenengan isa dadi ngerti carané bèn kenal karo Gusti Allah lan apa manfaaté nèk kenal lan luwih akrab karo Dhèwèké.
