1. Yésus wis ngekèki apa waé kanggo manungsa?

 YÉSUS kuwi wong sing paling murah hati. Wektu ing bumi, dhèwèké kerep nggawé mukjijat bèn isa mbantu wong liya. (Luk. 9:​12-17) Dhèwèké bahkan gelem ngekèkké nyawané dadi hadiah kanggo manungsa. (Yoh. 15:13) Kèt diuripké manèh, Yésus ya terus murah hati. Kaya janjiné, dhèwèké njaluk Yéhuwah bèn ngekèki roh suci kanggo mulang lan menghibur awaké dhéwé. (Yoh. 14:​16, 17, cathetan ngisor; 16:13) Terus, liwat pertemuan-pertemuan ibadah, Yésus ngekèki kabèh sing awaké dhéwé butuhké bèn isa ndadèkké murid.—Mat. 28:​18-20.

2. Wong-wong lanang sing ”dadi hadiah” ing Éfésus 4:​7, 8 kuwi maksudé sapa waé?

² Ana manèh hadiahé Yésus kanggo awaké dhéwé. Rasul Paulus nyebutké nèk bar munggah swarga, Yésus ngekèki wong-wong lanang sing ”dadi hadiah”. (Wacanen Éfésus 4:​7, 8.) Tujuané meréka dikèkké kuwi kanggo nglayani para sedulur ing jemaat nganggo akèh cara. (Éf. 1:​22, 23; 4:​11-13) Saiki, wong-wong lanang sing ”dadi hadiah” kuwi maksudé para abdiné jemaat, pinituwa, lan pinituwa wilayah. a Mémang, meréka isih durung sampurna, dadi isa nggawé kesalahan. (Yak. 3:2) Tapi, meréka kuwi saranané Yésus kanggo mbantu awaké dhéwé.

3. Kabèh sedulur ing jemaat isa ndhukung wong-wong lanang sing ”dadi hadiah”. Perumpamaané apa?

³ Mémang, sing ditugasi Yésus kanggo nyemangati para sedulur ing jemaat kuwi wong-wong lanang sing ”dadi hadiah”. (Éf. 4:12) Tapi, kabèh sedulur isa ngekèki dhukungan bèn meréka isa nglakoni tugasé. Carané, liwat  omongan lan perbuatan. Kuwi padha kaya nèk pas mbangun Balai Ibadah. Ana sing terlibat langsung ing proyèké. Tapi ya ana sing ngekèki dhukungan, misalé nyedhiakké panganan, transportasi, lan bantuan liyané. Ayo mbahas apa waé sing diupayakké abdiné jemaat, pinituwa, lan pinituwa wilayah kanggo para sedulur ing jemaat, lan piyé carané mbuktèkké nèk menghargai upayané meréka.

ABDINÉ JEMAAT SENENG NGEKÈKI BANTUAN

4. Pas jamané para rasul, apa waé sing dilakukan abdiné jemaat?

⁴ Pas jamané para rasul, ana sedulur-sedulur lanang sing dilantik dadi abdiné jemaat. (1 Tim. 3:8) Kétoké, meréka kuwi sedulur-sedulur lanang sing disebut Paulus ”nduwé kemampuan kanggo mbantu”. (1 Kor. 12:28) Bèn para pinituwa isa fokus mulang lan nggatèkké para sedulur, para abdiné jemaat sing ngurusi tugas-tugas liyané ing jemaat. Misalé, mungkin mbantu nggawé salinan Kitab Suci, utawa tuku bahan-bahan sing dibutuhké kanggo nggawé salinan kuwi.

5. Tugas-tugas apa waé sing dilakukan abdiné jemaat saiki?

⁵ Apa njenengan ngerti apa waé sing dilakukan abdiné jemaat ing jemaaté njenengan? (1 Ptr. 4:10) Meréka mungkin ditugasi ngurus dhuwit sumbangan, dhaérah nginjil, mesen lan mastèkké publikasi tersedia, dadi operator audio vidéo, dadi petugas tata tertib, utawa mbantu ngrawat Balai Ibadah. Tujuané bèn para sedulur isa menikmati acara pertemuan ibadah lan kegiatan nginjil terorganisasi. (1 Kor. 14:40) Ana abdiné jemaat sing ya nyampèkké ceramah umum lan bagéan ing Pertemuan Ibadah Urip lan Nginjil. Abdiné jemaat ya isa waé ditugasi dadi asistèn pengawas kelompok nginjil. Kadhang, pinituwa ya isa ngejak abdiné jemaat sing memenuhi syarat kanggo mèlu kunjungan penggembalaan.

6. Ngapa kok kerja kerasé para abdiné jemaat kuwi pantes dihargai?

⁶ Apa kerja kerasé abdiné jemaat kuwi dirasakké manfaaté karo para sedulur? Sedulur Beberly b saka Bolivia ngomong, ”Merga kerja kerasé para abdiné jemaat pas pertemuan ibadah, aku isa nyanyi, njawab, ngrungokké ceramah, lan ndelok vidéo utawa gambar sing ditayangké. Meréka mastèkké bèn para sedulur isa tetep aman selama acara pertemuan ibadah lan bèn sing ngibadah liwat konferénsi vidéo isa menikmati acarané. Bar pertemuan ibadah, meréka mèlu resik-resik, ngétung dhuwit sumbangan, lan mastèkké bèn publikasi tersedia. Aku maturnuwun banget.” Sedulur Leslie, sing manggon ing Kolombia lan bojoné dadi pinituwa, ngomong, ”Bojoku butuh banget bantuané para abdiné jemaat. Nèk ora ana meréka, dhèwèké mesthi kewalahan. Dadi, aku maturnuwun banget merga meréka semangat lan siap mbantu.” Apa njenengan ya ngrasa kaya ngono?—1 Tim. 3:13.

7. Apa waé carané nduduhké nèk menghargai kerja kerasé para abdiné jemaat? (Deloken gambar.)

⁷ Ing Alkitab disebutké nèk awaké dhéwé kudu nduduhké rasa maturnuwun kanggo para abdiné jemaat. (Kol. 3:15) Carané nduduhké piyé? Kristof, pinituwa ing Finlandia crita, ”Aku ngirimi kartu ucapan utawa chat sing isiné ayat. Terus, aku ya nyebutké hal spésifik sing wis meréka lakukan sing tak hargai.” Pascal lan Yael sing manggon ing Kaledonia Baru  nduduhkéné nganggo cara liya. Pascal crita, ”Akhir-akhir iki kami sering ndongakké para abdiné jemaat. Kami maturnuwun karo Yéhuwah merga wis nyedhiakké meréka. Kami ya njaluk tulung Yéhuwah mbantu bèn meréka terus semangat.” Yéhuwah mesthi ngrungokké donga-donga kaya ngono, lan kabèh sedulur ing jemaat bakal éntuk manfaaté.—2 Kor. 1:11.

PINITUWA ”NYAMBUT GAWÉ TENANAN” ING JEMAAT

8. Ngapa kok Paulus ngomong nèk para pinituwa pas jamané para rasul kuwi ”nyambut gawé tenanan”? (1 Tésalonika 5:​12, 13)

⁸ Para pinituwa pas jamané para rasul ”nyambut gawé tenanan” kanggo sedulur-sedulur ing jemaat. (Wacanen 1 Tésalonika 5:​12, 13; 1 Tim. 5:17) Meréka ”mimpin” jemaat, misalé mandhu pertemuan ibadah lan nggawé keputusan kanggo jemaat sebagai badan pinituwa. Meréka ya ”mènèhi naséhat” bèn para sedulur tetep kuwat imané. (1 Tés. 2:​11, 12; 2 Tim. 4:2) Sakliyané kuwi, meréka kudu nyambut gawé kanggo nyukupi kebutuhan keluargané, lan berupaya bèn meréka dhéwé imané tetep kuwat.—1 Tim. 3:​2, 4; Tit. 1:​6-9.

9. Apa waé tanggung jawabé para pinituwa saiki?

⁹ Para pinituwa saiki bener-bener kerja keras. Meréka kuwi penginjil. (2 Tim. 4:5) Meréka dadi conto soal semangat nginjil. Meréka ngatur kegiatan nginjil ing dhaérah jemaaté lan nglatih para sedulur bèn trampil nginjil lan mulang. Kadhang, para pinituwa ya kudu dadi hakim. Meréka bakal adil, tapi ya nduwé rasa mesakké wektu ngadili. Wektu ana sing nggawé dosa gedhé, para pinituwa bakal berupaya mbantu bèn wong kuwi nduwé hubungan sing akrab manèh karo Yéhuwah, tapi ya karo nglindhungi bèn para sedulur ora kena pengaruh sing èlèk. (1 Kor. 5:​12, 13; Gal. 6:1) Sing terutama, para pinituwa dadi gembala. (1 Ptr. 5:​1-3) Meréka nyampèkké ceramah sing dhasaré Alkitab, berupaya kenal karo kabèh sedulur ing jemaat, lan kunjungan penggembalaan. Ana pinituwa sing ya mèlu mbangun lan ngrawat Balai Ibadah, ngatur lan ngurusi pertemuan-pertemuan rohani, lan dadi anggota Panitia Penghubung Rumah Sakit lan Kelompok Pengunjung Pasien. Utawa, mèlu mbantu ing tugas-tugas tambahan liyané.

10. Apa sing marakké awaké dhéwé gelem menghargai kerja kerasé para pinituwa?

¹⁰ Ing Yérémia 23:4 Yéhuwah wis ngramalké nèk para gembala bakal bener-bener ngopèni domba-dombané Yéhuwah. Domba-domba kuwi ’bakal seneng lan ora ngrasa wedi’. Kuwi sing dirasakké Sedulur Yohana saka Finlandia, wektu ibuné lara parah. Dhèwèké crita, ”Aku ora gampang nyritakké perasaanku karo wong liya. Tapi ana pinituwa sing sabar ngrungokké aku, ndonga karo aku, lan ngyakinké nèk Yéhuwah sayang karo aku. Padahal, aku ora patia akrab karo pinituwa kuwi. Aku mémang ora éling sing dhèwèké omongké, tapi wektu kuwi aku dadi tenang. Aku yakin nèk Yéhuwah sing ngutus pinituwa kuwi kanggo mbantu aku.” Bantuan apa waé sing wis tau njenengan rasakké saka para pinituwa ing jemaaté njenengan?

11. Apa waé carané nduduhké nèk menghargai kerja kerasé para pinituwa? (Deloken gambar.)

¹¹ Yéhuwah péngin awaké dhéwé nduduhké nèk menghargai para pinituwa ”merga apa sing wis ditindakké wong-wong kuwi”. (1 Tés. 5:​12, 13) Sedulur Rietta, sing manggon ing Finlandia ngomong, ”Para pinituwa seneng mbantu sedulur liyané. Tapi, kuwi dudu merga meréka  turah tenaga, turah wektu, utawa ora nduwé masalah. Makané, kadhang aku ngomong langsung karo meréka nèk meréka kuwi pinituwa sing apik.” Sedulur Sera saka Turkiye c ngomong, ”Para pinituwa butuh disemangati bèn isa terus melakukan tugasé. Makané awaké dhéwé isa ngirimi kartu, ngundang meréka mangan bareng, utawa mèlu nginjil karo meréka.” Apa ana pinituwa sing khususé njenengan hargai kerja kerasé? Golèka cara kanggo ngungkapké kuwi.—1 Kor. 16:18.

PINITUWA WILAYAH NGUWATKÉ JEMAAT-JEMAAT

12. Yésus nguwatké para sedulur ing jemaat liwat sapa manèh? (1 Tésalonika 2:​7, 8)

¹² Ana sedulur-sedulur lanang liyané sing ya ”dadi hadiah” saka Yéhuwah lan Yésus. Meréka kuwi para pinituwa wilayah. Merga diarahké Yésus, para pinituwa ing Yérusalèm ngutus Paulus, Barnabas, lan sedulur-sedulur liyané kanggo keliling ngunjungi jemaat-jemaat. (Kis. 11:22) Tujuané, kanggo nguwatké lan nyemangati para sedulur. (Kis. 15:​40, 41) Sedulur-sedulur lanang kuwi réla berkorban, lan malah gelem toh nyawa kanggo mulang lan nguwatké sedulur-sedulur.—Wacanen 1 Tésalonika 2:​7, 8.

13. Apa waé tanggung jawabé para pinituwa wilayah?

¹³ Para pinituwa wilayah kerep melakukan perjalanan kanggo ngunjungi jemaat-jemaat, kadhang nganti atusan kilomèter. Saben minggu, pinituwa wilayah nyampèkké beberapa ceramah, kunjungan penggembalaan, mandhu rapat perintis, rapat pinituwa, lan pertemuan  sakdurungé nginjil. Meréka ya nyiapké ceramah-ceramah, lan ngorganisasi pertemuan-pertemuan wilayah lan gabungan wilayah. Para pinituwa wilayah ya dadi instruktur Sekolah kanggo Perintis lan ngatur pertemuan karo para perintis sak wilayah. Terus, kadhang-kadhang meréka ya éntuk tugas tambahan saka kantor cabang sing kudu ndang ditangani.

14. Apa sing marakké awaké dhéwé gelem menghargai kerja kerasé para pinituwa wilayah?

¹⁴ Apa para sedulur éntuk manfaat saka kunjungané pinituwa wilayah? Ana sedulur lanang saka Turkiye sing ngomong, ”Saben dikunjungi, aku dadi luwih semangat kanggo nggatèkké para sedulur. Terus, kabèh pinituwa wilayah sing tau tak ngertèni kuwi ora ana sing terlalu sibuk nganti ora isa dicedhaki.” Yohana, sing disebutké mau, nginjil karo pinituwa wilayah. Tapi wektu nginjil, ora ana wong sing isa ditemoni. Yohana crita, ”Meskipun ora isa ketemu sapa-sapa, tapi dina kuwi berkesan banget kanggo aku. Mbakyuku loro bar pindhah, lan aku kangen banget karo meréka. Pinituwa wilayah nguwatké aku lan ngélingké aku nèk mémang isa waé saiki ora isa selalu bareng-bareng karo keluarga lan kanca. Tapi sukmbèn ing donya anyar, isa bareng-bareng saklawasé.” Akèh sedulur ya nduwé kenangan sing nyenengké karo pinituwa wilayah.—Kis. 20:37–21:1.

15. (a) Menurut 3 Yohanes 5-8, apa waé carané nduduhké rasa maturnuwun karo para pinituwa wilayah? (Deloken gambar.) (b) Ngapa kok ya kudu menghargai bojoné para pria terlantik, lan piyé carané? (Deloken kothak ” Élinga Bojoné Sedulur-Sedulur Lanang Kuwi”.)

¹⁵ Rasul Yohanes tau ngandhani Gayus bèn nyambut sedulur-sedulur sing teka kanggo nguwatké jemaat lan ”ngupaya mbantu wong-wong kuwi”. (Wacanen  3 Yohanes 5-8.) Awaké dhéwé ya isa ngetrapké naséhat kuwi. Misalé, njamu para pinituwa wilayah lan teka ing pertemuan sakdurungé nginjil selama kunjungan pinituwa wilayah. Leslie, sing disebutké mau, nduduhké rasa maturnuwuné nganggo cara liya. Dhèwèké crita, ”Aku ndonga bèn Yéhuwah nyukupi kebutuhané meréka. Aku karo bojoku ya nulis surat kanggo meréka, ngomong nèk kunjungané bener-bener bermanfaat kanggo kami.” Élinga, para pinituwa wilayah kuwi ya isa kesel, lara, kuwatir, malah ya isa ora semangat. Dadi, nèk misalé njenengan ngekèki hadiah sederhana utawa ngomong sing nyemangati, kuwi mungkin isa dadi jawaban saka dongané meréka.—WB. 12:25.

SEDULUR-SEDULUR LANANG SING ”DADI HADIAH” KUWI DIBUTUHKÉ

16. Sesuai karo Wulang Bebasan 3:​27, pertanyaan apa waé sing isa dipikirké sedulur-sedulur lanang?

¹⁶ Ing sak donya, dibutuhké akèh sedulur lanang kanggo nglayani jemaat. Nèk njenengan sedulur lanang sing wis dibaptis, apa njenengan ”sanggup nulungi”? (Wacanen Wulang Bebasan 3:27.) Apa njenengan gelem ngupaya memenuhi syarat dadi abdiné jemaat? Apa njenengan péngin nglayani dadi pinituwa? d Apa njenengan gelem nggawé penyesuaian bèn isa mèlu Sekolah kanggo Penginjilé Kerajaané Allah? Ing sekolah kuwi, njenengan bakal dilatih bèn siap nampa luwih akèh tanggung jawab saka Yésus. Nèk ngrasa ora sanggup, ndongaa karo Yéhuwah. Njaluka roh suciné bèn njenengan isa ngrampungké tugas-tugas sing wis dipercayakké.—Luk. 11:13; Kis. 20:28.

17. Sedulur-sedulur lanang sing ”dadi hadiah” kuwi dadi bukti apa?

¹⁷ Sedulur-sedulur lanang sing ”dadi hadiah” kuwi bukti nèk Yésus ngarahké awaké dhéwé selama akhir jaman iki. (Mat. 28:20) Njenengan mesthi bersyukur merga Yésus kuwi Raja sing sayang, murah hati, nggatèkké, lan nyedhiakké sing awaké dhéwé butuhké liwat sedulur-sedulur lanang kuwi. Makané, golèka kesempatan kanggo mbuktèkké nèk menghargai kerja kerasé meréka. Sing paling penting, maturnuwun karo Yéhuwah merga Dhèwèké kuwi sing ngekèki ”saben hadiah sing apik lan sing sampurna”.—Yak. 1:17.