CARANÉ BÈN ORA STRÈS
Njenengan Ora Bakal Strès Manèh
Saran-saran ing Alkitab isa mbantu awaké dhéwé bèn ora terus-terusan strès. Awaké dhéwé ora mungkin isa ngilangi penyebabé strès, ning Gusti Allah isa. Dhèwèké wis nglantik Yésus kanggo mbantu awaké dhéwé. Ora suwé manèh, Yésus bakal nindakké sing luwih apik ketimbang apa sing wis tau dhèwèké tindakké wektu ing bumi. Contoné:
KABÈH WONG BAKAL SÉHAT.
”Wong-wong nggawa marang Yésus kabèh sing sengsara merga werna-werna penyakit. . . . Yésus marèkké kabèh wong kuwi.”—MATIUS 4:24.
KABÈH WONG BAKAL NDUWÉ OMAH LAN PANGANAN SING CUKUP.
”[Rakyaté Kristus] bakal padha ngadegaké omah lan iya banjur dienggoni; bakal padha nandur anggur ana ing kebon lan iya banjur padha mangan wohé. Ora bakal padha ngedegaké apa-apa, kang banjur dienggoni ing wong liya, lan ora bakal padha nenandur, kang wohé banjur dipangan wong liya.”—YÉSAYA 65:21, 22.
KEADAANÉ BAKAL DADI AMAN LAN DAMAI.
”Ing jaman sugengipun kaadilan mugi saged mekar, sarta tentrem rahayu sageda lubèr, ngantos rembulan sampun boten wonten malih. Panjenenganipun mugi ngastaa pangwaos wiwit saking saganten dumugi saganten, tuwin saking bengawan Éfrat ngantos dumugi ing pungkasanipun bumi. . . Sarta para mengsahipun sami ndilata lebu.”—JABUR 72:7-9.
TUMINDAK ORA ADIL BAKAL ORA ANA MANÈH.
”Panjenenganipun badhé ngéman dhateng tiyang ingkang ringkih saha tiyang mlarat, badhé ngentas nyawanipun tiyang mlarat. Panjenenganipun badhé nebus nyawanipun saking panindhes tuwin panganiaya.”—JABUR 72:13, 14.
KESUSAHAN LAN KEMATIAN BAKAL ORA ANA MANÈH.
”Pati ora bakal ana manèh. Kasusahan, tangisan, lan rasa lara uga ora bakal ana manèh.”—WAHYU 21:4.
Topik sing Ana Hubungané
PERTANYAAN SING DIJAWAB ING ALKITAB
Apa sing Bakal Kelakon Wektu Kerajaané Gusti Allah Mréntah?
Gatèkna keterangan ing Alkitab soal kuwi.
