Wulang Bebasan 18:1-24
18 Wong sing senengé mung dhèwèkan kuwi mentingké kepénginané dhéwé.
Dhèwèké ora gelem nampa* kabèh naséhat sing apik.
2 Wong bodho ora seneng karo pemahaman.
Dhèwèké mung péngin ngomongké pendapaté.+
3 Nèk wong tumindak jahat, dhèwèké bakal dirèmèhké.
Nèk wong tumindak ngisin-isini, dhèwèké bakal direndhahké.+
4 Omongané manungsa kuwi kaya laut sing jero.+
Sumberé kawicaksanan* kuwi kaya kali sing mili terus.
5 Ora apik nèk mihak wong jahat+
Utawa ngalang-alangi wong bener bèn éntuk keadilan.+
6 Omongané wong bodho marahi padu,+Kata-katané nggawé wong liya péngin ngantem* dhèwèké.+
7 Omongané wong bodho nggawé dhèwèké dadi sengsara,+Lan kata-katané isa nggawé uripé cilaka.*
8 Omongané wong sing seneng mitnah kuwi kaya panganan sing enak.+
Kuwi langsung dieleg lan mlebu ing weteng.+
9 Wong sing kesèd nyambut gawé kuwiKancané* wong sing seneng ngrusak.+
10 Jeneng Yéhuwah kuwi kaya bèntèng sing kuwat.+
Wong sing bener mlayu mrono bèn isa dilindhungi.*+
11 Wong sing sugih mikir nèk hartané kuwi kaya kutha sing bèntèngé dhuwurLan kaya témbok sing nglindhungi dhèwèké.+
12 Wong sing sombong bakal ngalami cilaka,+Ning wong sing rendah hati bakal diajèni.+
13 Wong sing njawab sakdurungé ngrungokké sing saktenanéKuwi wong sing bodho lan ngisin-isini.+
14 Semangat isa nggawé wong tetep kuwat senajan lagi lara.+
Ning, sapa sing isa kuwat nanggung beban nèk ora nduwé semangat?*+
15 Wong sing nduwé pemahaman* éntuk pengetahuan,+Lan wong sing wicaksana* ngrungokké bèn isa éntuk pengetahuan.
16 Hadiah ana manfaaté kanggo sing mènèhi.*+
Kuwi isa nggawé dhèwèké ketemu karo wong-wong penting.
17 Wong sing pertama ngomongké kasusé kuwi kétoké bener,+Nganti ana wong liya sing teka lan mriksa apa bener kenyataané kaya ngono.+
18 Wong dadi ora padu manèh lan masalahé wong-wong sing kuwat isa dirampungké+
Nèk nggolèk tuntunané Gusti Allah.*
19 Nggawé tenang sedulur sing lagi tersinggung kuwi luwih angèl timbang ngalahké kutha sing ana bèntèngé.+
Wong sing padu isa ora rukun manèh, kaya gerbang sing dipalangi.+
20 Omongané* manungsa kuwi kaya panganan sing nggawé wetengé wareg.+
Dhèwèké bakal ngrasakké akibat saka omongané.
21 Omongan isa nggawé wong dadi urip utawa mati.*+
Wong sing seneng ngomong kudu nanggung akibaté.+
22 Wong lanang sing nduwé bojo sing apik kuwi kaya wong sing wis nemokké harta karun,+Lan dhèwèké disayang karo Yéhuwah.+
23 Wong mlarat njaluk bantuané wong sugih,Ning wong sing sugih kuwi njawabé kasar.
24 Ana wong sing nggawé kancané cilaka,+Ning ana kanca sing luwih akrab timbang sedulur kandhung.+
Katrangan Tambahan
^ Utawa ”Dhèwèké sengit karo”.
^ Deloken Daftar Istilah.
^ Utawa ”ngampleng”.
^ Lit: ”dadi jerat kanggo uripé”.
^ Lit.: ”Seduluré”.
^ Lit.: ”diangkat”, maksudé ora dicekel, aman.
^ Utawa ”nèk bener-bener putus asa”.
^ Lit.: ”Atiné wong sing nduwé pemahaman”.
^ Lit.: ”kupingé wong sing wicaksana”.
^ Lit.: ”Hadiah mbukak dalan kanggo sing mènèhi”.
^ Lit.: ”nguncalké undhi”. Deloken Daftar Istilah.
^ Lit.: ”Cangkemé”.
^ Utawa ”Mati lan urip ana ing kuwasané ilat”.
