Wulang Bebasan 17:1-28
17 Luwih apik mangan roti garing sak iris, ning padha rukun,*+Timbang ana akèh panganan* ing omah, ning padha padu.+
2 Pembantu sing nduwé pemahaman bakal mréntah anaké majikané sing kelakuané ngisin-isini.
Dhèwèké bakal nampa warisan kaya anaké majikané.
3 Pérak lan emas diobong nganti melèlèh bèn dadi murni,+Ning Yéhuwah sing mriksa atiné manungsa.+
4 Wong sing jahat seneng ngrungokké omongan sing nglarani ati,Lan wong sing seneng ngapusi ngrungokké fitnah.+
5 Wong sing ngécé wong mlarat ora ngajèni Sing Nyiptakké* wong kuwi,+Lan wong sing seneng nèk wong liya cilaka mesthi bakal dihukum.+
6 Putu kuwi kaya mahkotané wong sing wis tuwa,Lan anak-anak isa nduwé réputasi* sing apik merga bapaké.*
7 Wong bodho ora cocog nèk ngomongké sing bener,*+Lan pamréntah* ora pantes nèk ngomongké sing ora bener.+
8 Hadiah kuwi kaya watu berharga kanggoné sing nduwé.+
Hadiah kuwi nggawé kabèh sing ditindakké dhèwèké berhasil.+
9 Wong sing ngapura* pelanggaran kuwi nduduhké tresna,+Ning wong sing terus ngomongké soal pelanggaran kuwi nggawé kanca akrab dadi ora rukun manèh.+
10 Wong sing nduwé pemahaman dikandhani sepisan waé wis ngerti,+Ning wong sing bodho digebugi ping satus ya tetep ora ngerti.+
11 Wong sing jahat seneng mbrontak,Ning wong sing kejem bakal dikongkon ngukum wong jahat kuwi.+
12 Luwih apik ketemu karo beruang sing kélangan anakéTimbang ketemu karo wong bodho sing tumindaké ora ana gunané.+
13 Nèk wong mbales tumindak apik nganggo kejahatan,Keluargané bakal terus ngalami kesusahan.+
14 Wong sing ngejak padu kuwi kaya mbukak bendungan.
Kowé kudu lunga saka kono sakdurungé padu kuwi saya ndadi.+
15 Yéhuwah sengit karo wong sing mbébaské wong jahat+
Lan karo wong sing nyalahké wong sing bener.
16 Kabèh sing diduwèni wong bodho bèn éntuk kawicaksanan* dadi ora ana gunanéNèk dhèwèké dhéwé ora péngin dadi wicaksana.*+
17 Kanca sejati kuwi terus nresnani+
Lan dadi sedulur sing isa diendelké wektu ana kesusahan.+
18 Wong sing kurang pertimbangan nggawé perjanjianKanggo mènèhi jaminan ing ngarepé kancané.+
19 Wong sing seneng padu bakal nggawé pelanggaran,+Lan wong sing terus-terusan nyombongké dhiri* bakal kena bencana.+
20 Wong sing licik ora bakal berhasil,+Lan wong sing ngapusi bakal hancur.
21 Bapaké wong sing bodho bakal sedhih,Lan bapaké wong sing ora gelem mikir bakal ngrasa susah.+
22 Ati sing seneng kuwi obat sing manjur,*+Ning wong sing ora semangat bakal kentèkan tenaga.*+
23 Wong sing jahat meneng-meneng nampa suap*
Bèn isa tumindak ora adil.+
24 Wong sing nduwé pemahaman ngupaya bèn dadi wicaksana,Ning pikirané wong sing bodho tekan ngendi-endi.+
25 Wong sing bodho nggawé bapaké sedhihLan nggawé ibuné lara ati.+
26 Ora apik nèk ngukum* wong sing bener,Lan ora pantes nèk nggebug wong sing diajèni.
27 Wong sing nduwé pengetahuan mikir dhisik sakdurungé ngomong,+Lan wong sing nduwé pemahaman bakal tetep tenang.+
28 Wong bodho sing tetep meneng waé bakal dianggep wicaksana,Lan wong sing ora ngomong apa-apa dianggep nduwé pengertian.
Katrangan Tambahan
^ Lit.: ”korban”.
^ Utawa ”tenang”.
^ Lit.: ”Sing Nggawé”.
^ Utawa ”jeneng”.
^ Utawa ”wong tuwané”.
^ Utawa ”bangsawan”.
^ Utawa ”apik”.
^ Lit.: ”nutupi”.
^ Deloken Daftar Istilah.
^ Utawa ”Nèk dhèwèké dhéwé kurang pertimbangan”.
^ Utawa ”wong sing mbangun gerbang sing dhuwur”.
^ Utawa ”kuwi apik kanggo nambani”.
^ Utawa ”balungé bakal garing”.
^ Lit.: ”Wong sing jahat nampa suap ing dhadhané”.
^ Utawa ”njaluk dhendha marang”.
