Mazmur 77:1-20
Kanggo pemimpin musik: Nganggo Yédutun.* Lagu sing digawé Asaf.+
77 Aku bakal njaluk tulung marang Gusti Allah.
Aku bakal mbengok lan njaluk tulung marang Gusti Allah, lan Dhèwèké bakal ngrungokké aku.+
2 Pas susah, aku nggolèki Yéhuwah.+
Pas bengi, aku terus-terusan ndonga,Tapi atiku isih tetep susah.
3 Wektu kèlingan Gusti Allah, aku péngin banget sambat.+
Aku susah lan ora nduwé kekuwatan manèh.+ (Sela)
4 Njenengan nggawé mripatku ora isa merem.
Aku kuwatir banget lan ora isa ngomong apa-apa.
5 Aku mikirké peristiwa-peristiwa jaman mbiyèn,+Yaiku taun-taun sing wis kliwat.
6 Pas bengi, aku éling karo laguku.+
Aku tenanan ngrenungké ing ati+Lan bener-bener tak pikirké.
7 Apa Yéhuwah bakal ninggalké aku saklawasé?+
Apa Dhèwèké ora bakal sayang karo aku manèh?+
8 Apa rasa sayangé* ora bakal ana manèh kanggo saklawasé?
Apa janjiné ora bakal ditepati sakterusé?
9 Apa Gusti Allah wis lali kanggo apikan marang aku?+
Apa Dhèwèké ora gelem mesakké manèh merga nesu? (Sela)
10 Aku terus-terusan kandha, ”Aku susah*+Merga Gusti Allah sing Mahaluhur wis ora ndhukung aku manèh.”
11 Aku bakal terus éling karo tumindaké Yah.
Aku bakal éling karo tumindaké sing luar biasa ing jaman mbiyèn.
12 Aku bakal mikirké tenanan kabèh kegiatan-MuLan tumindak-Mu.+
13 Oh Gusti Allah, kabèh tumindak-Mu kuwi suci.
Apa ana allah liya sing isa nandhingi Njenengan, oh Gusti Allah?+
14 Njenengan kuwi Gusti Allah sing bener, sing tumindaké luar biasa.+
Njenengan nduduhké kekuwatan-Mu marang bangsa-bangsa.+
15 Nganggo kekuwatan-Mu, Njenengan nylametké* umat-Mu,+Yaiku keturunané Yakub lan keturunané Yusuf. (Sela)
16 Oh Gusti Allah, banyu ndelok Njenengan.
Banyu ndelok Njenengan lan dadi wedi.+
Ombaké laut sing jero dadi ora tenang.
17 Méga-méga ngesokké banyu.
Ana bledhèg ing langit sing mendhung,Lan kilat-Mu nyamber-nyamber kaya panah.+
18 Swarané bledhèg-Mu+ kaya swarané rodha kréta perang.
Kilat sing nyamber-nyamber madhangi bumi.+
Bumi gemeter lan goncang.+
19 Njenengan mlaku ngliwati laut.+
Njenengan ngliwati laut sing jero,Ning tapak sikil-Mu ora kétok.
20 Liwat* Musa lan Harun,+Njenengan nuntun umat-Mu kaya nggiring ternak.+
Katrangan Tambahan
^ Deloken Daftar Istilah.
^ Utawa ”katresnané sing langgeng”. Deloken Daftar Istilah.
^ Utawa ”Aku ngrasa ditusuk”.
^ Lit.: ”nebus”.
^ Lit.: ”Nganggo tangané”.
