Mazmur 72:1-20
Soal Salomo.
72 Oh Gusti Allah, tulung ajari raja soal hukum-Mu,Lan tulung ajari anaké raja soal keadilan-Mu.+
2 Muga-muga dhèwèké adil wektu ngadili umat-MuLan wektu ngadili wong cilik.+
3 Muga-muga gunung-gunung nggawé bangsa kuwi dadi tentremLan bukit-bukit nggawé bangsa kuwi éntuk keadilan.
4 Muga-muga dhèwèké mbéla* wong cilik sing ana ing antarané bangsa kuwi.
Muga-muga dhèwèké nylametké anak-anaké wong mlarat.
Muga-muga dhèwèké nyingkirké wong sing seneng ngapusi.+
5 Umat-Mu bakal wedi marang* Njenengan saksuwéné matahari bersinarLan saksuwéné bulan ana ing langit,Nganti turun temurun.+
6 Dhèwèké bakal kaya udan ing padhang rumput sing suketé bar dikethokiLan kaya udan deres sing nelesi bumi.+
7 Wektu dhèwèké mréntah, wong sing bener bakal thukul kaya suket,+Lan uripé wong-wong kuwi bakal ayem+ saksuwéné bulan isih ana ing langit.
8 Dhèwèké bakal mréntah saka laut tekan laut liyané,Saka Kali Éfrat tekan ujung-ujung bumi.+
9 Wong-wong sing manggon ing padhang pasir bakal sujud marang dhèwèké,Lan mungsuh-mungsuhé bakal dikalahké.*+
10 Raja-raja saka Tarsyis, raja saka pulau-pulau,+Lan raja-raja saka Syéba lan Séba bakal mènèhi hadiah.+
11 Kabèh raja bakal sujud marang dhèwèké,Lan kabèh bangsa bakal dadi abdiné.
12 Dhèwèké bakal nylametké wong mlarat sing njaluk tulung.
Dhèwèké ya bakal nylametké wong cilik lan wong sing ora digatèkké.
13 Dhèwèké bakal mesakké karo wong cilik lan wong mlarat.
Dhèwèké bakal nylametké wong mlarat.
14 Dhèwèké bakal nylametké wong-wong kuwi saka wong sing nindhes lan wong sing jahat,Nyawané* wong-wong kuwi berharga kanggoné dhèwèké.
15 Muga-muga dhèwèké dawa umuré lan diwènèhi emas saka Syéba.+
Muga-muga wong-wong ndongakké dhèwèkéLan mberkahi dhèwèké saben dina.
16 Bakal ana akèh pangan ing bumi+Nganti tekan puncak pegunungan.
Kebon duwèké raja bakal ngetokké akèh buah kaya ing Lébanon.+
Wong-wong ing kutha bakal dadi saya akèh kaya suket ing bumi.+
17 Muga-muga jenengé terus ana nganti saklawasé.+
Muga-muga jenengé terus ana saksuwéné matahari ana.
Muga-muga wong-wong éntuk berkah liwat dhèwèké.+
Muga-muga kabèh bangsa ngerti nèk dhèwèké bahagia.
18 Muga-muga Yéhuwah Gusti Allahé Israèl dipuji.+
Mung Dhèwèké sing tumindaké luar biasa.+
19 Muga-muga jenengé sing luhur dipuji nganti saklawasé.+
Muga-muga kemuliaané ana ing bumi.+
Amin lan Amin.
20 Dongané Daud anaké Isai rampung.+
Katrangan Tambahan
^ Lit.: ”ngadili”.
^ Deloken Daftar Istilah.
^ Lit.: ”bakal ndilat debu”.
^ Lit.: ”Getihé”.
