Mazmur 49:1-20
Kanggo pemimpin musik. Lagu sing digawé keturunané Korah.+
49 Rungokna, hé bangsa-bangsa,Gatèkna, hé kabèh penduduk bumi,
2 Wong biasa lan wong penting,Sing mlarat lan sing sugih.
3 Aku bakal ngomongké soal kawicaksanan,*Lan sing tak renungké ing atiku+ kuwi pemahaman.
4 Aku bakal mikirké soal peribahasa.
Aku bakal nyampèkké teka-tekiku karo main harpa.
5 Aku ora bakal wedi wektu ana kesusahan,+Wektu wong-wong jahat ngepung aku lan ngupaya nyilakani aku.
6 Wong sing ngendelké kekayaané+Lan sing nyombongké hartané sing akèh+
7 Ora isa nebus wong liyaUtawa mènèhi Gusti Allah tebusan kanggo nebus wong kuwi,+
8 (Regané tebusan kanggo nyawané kuwi larang bangetNganti ora ana sing isa mbayar),
9 Bèn wong kuwi isa urip saklawasé lan ora mati.*+
10 Kabèh wong ngerti nèk wong wicaksana waé ya isa mati.
Wong bodho lan wong sing ora isa nalar padha-padha mati,+Lan hartané bakal dadi duwèké wong liya.+
11 Wong-wong kuwi péngin bèn omahé terus ana nganti saklawasé,Lan kémahé ana nganti turun-temurun.
Wong-wong kuwi njenengi tanahé nganggo jenengé dhéwé.
12 Senajan dihormati, manungsa ora isa urip terus.+
Dhèwèké padha kaya kéwan sing bakal mati.+
13 Ya kuwi sing akhiré bakal dialami wong bodho+Lan wong sing mèlu-mèlu tumindaké, yaiku sing seneng karo omong kosongé wong bodho kuwi. (Sela)
14 Wong-wong kuwi mesthi bakal mati, kaya domba sing bakal dibelèh.
Kematian kuwi kaya gembala sing nuntun wong-wong kuwi.
Pas ésuk, wong-wong kuwi bakal dikuwasani wong sing bener.+
Wong-wong kuwi bakal ora ana manèh, nganti ora ana bekasé.+
Omahé wong-wong kuwi dudu istana, ning Kuburan.*+
15 Ning Gusti Allah bakal mbébaské* aku saka Kuburan,*+Dhèwèké bakal narik aku bèn aku slamet. (Sela)
16 Aja wedi nèk ana wong sing dadi sugihLan omahé dadi saya méwah,
17 Merga dhèwèké ora isa nggawa apa-apa nèk dhèwèké mati.+
Kekayaané ora isa digawa mlebu ing kuburan.+
18 Pas isih urip, wong kuwi mbanggakké awaké dhéwé.+
(Wong-wong nyanjung kowé nèk uripmu makmur.)+
19 Ning, akhiré dhèwèké mati kaya nènèk moyangé.
Wong-wong kuwi ora bakal ndelok cahaya manèh.
20 Wong sing ora paham soal iki, senajan dhèwèké dihormati,+Dhèwèké padha kaya kéwan sing bakal mati.
Katrangan Tambahan
^ Deloken Daftar Istilah.
^ Utawa ”ora ndelok kuburan”.
^ Utawa ”Syéol”. Deloken Daftar Istilah.
^ Lit.: ”nebus”.
^ Utawa ”saka kuwasané Kuburan”, utawa ”Syéol”. Deloken Daftar Istilah.
