Mazmur 105:1-45
105 Ucapna syukur marang Yéhuwah,+ sebutna jenengé wektu ndonga,Critakna soal tumindaké marang bangsa-bangsa.+
2 Ayo nyanyi kanggo Dhèwèké, ayo nyanyi lagu pujian* kanggo Dhèwèké,Pikirna* kabèh tumindaké sing luar biasa.+
3 Kowé kudu muji jenengé sing suci.+
Muga-muga wong sing nggolèk tuntunané Yéhuwah dadi seneng atiné.+
4 Golèka tuntunané Yéhuwah+ lan njaluka kekuwatané.
Terusa njaluk tulung marang Dhèwèké.*
5 Élinga karo tumindaké sing luar biasa,Karo mukjijaté lan hukuman sing wis tau ditindakké,+
6 Hé kowé keturunané* Abraham abdiné Gusti Allah,+Hé kowé anak-anaké Yakub, wong-wong pilihané.+
7 Dhèwèké kuwi Yéhuwah Gusti Allahé awaké dhéwé.+
Dhèwèké ngadili kabèh wong ing bumi.+
8 Gusti Allah ora lali karo perjanjiané,+Dhèwèké éling karo janjiné nganti saklawasé,+
9 Yaiku perjanjian sing wis digawé karo Abraham,+Lan sumpah sing wis diucapké marang Ishak.+
10 Sumpah kuwi dadi jaminan kanggo YakubLan dadi perjanjian kanggo Israèl nganti saklawasé.
11 Gusti Allah ngomong, ”Aku bakal mènèhké tanah Kanaan+Bèn dadi warisan kanggo kowé.”+
12 Wektu Gusti Allah ngomong kuwi, jumlahé wong Israèl isih sithik,+Sithik banget, lan wong-wong kuwi isih dadi wong asing ing tanah kuwi.+
13 Wong Israèl pindhah-pindhah ing negara sing béda-bédaLan ing kerajaan sing béda-béda.+
14 Gusti Allah ora meneng waé wektu ana sing arep nindhes wong Israèl.+
Gusti Allah mènèhi préntah marang raja-raja kanggo nglindhungi umaté.+
15 Dhèwèké ngomong, ”Wong-wong sing Tak lantik aja mbok apak-apakké,Lan nabi-nabi-Ku aja mbok jahati.”+
16 Dhèwèké nggawé kelaparan ing tanah kuwi+Lan nggawé wong-wong kuwi ora nduwé persediaan pangan.*
17 Ana wong sing dikongkon teka dhisik sakdurungé umaté mrono.
Yaiku Yusuf sing wis diedol dadi budhak.+
18 Sikilé Yusuf diranté.+
Guluné ya diranté
19 Nganti omongané Gusti Allah kelakon.+
Omongané Yéhuwah nggawé Yusuf dadi luwih apik.
20 Raja ngongkon bèn dhèwèké dibébaské,+Pemimpiné bangsa-bangsa mbébaské dhèwèké.
21 Raja ndadèkké dhèwèké pengawas istanané,Sing ngurusi kabèh hartané,+
22 Sing mréntah* para pejabat manut karo karepéLan mulang para pemimpin soal kawicaksanan.*+
23 Terus, Israèl lunga ing Mesir,+Lan Yakub manggon ing tanah Ham dadi wong asing.
24 Gusti Allah nggawé umaté dadi saya akèh.+
Dhèwèké nggawé umaté luwih kuwat timbang mungsuh-mungsuhé.+
25 Gusti Allah meneng waé wektu mungsuh-mungsuhé sengit karo umatéLan wektu wong-wong kuwi nggawé rencana jahat marang para abdiné.+
26 Dhèwèké ngutus Musa abdiné+Lan Harun+ sing wis dipilih.
27 Musa lan Harun nggawé mukjijat ing ngarepé wong-wong kuwi,*Mukjijaté Gusti Allah ing tanah Ham.+
28 Gusti Allah nggawé Mesir dadi peteng.+
Wong loro kuwi manut karo omongané Gusti Allah.
29 Dhèwèké nggawé banyu dadi getihLan matèni iwak-iwak ing kono.+
30 Tanah kuwi diserbu kodhok,+Malah tekan omahé raja.
31 Dhèwèké ngongkon laler* lan nyamukNyerbu kabèh dhaérah ing tanah kuwi.+
32 Dhèwèké nggawé udan ès ing tanah kuwiLan nggawé kilat* nyamber ing tanah kuwi.+
33 Dhèwèké ngrusak wit anggur lan wit araLan ngambrukké wit-wit ing dhaérah kuwi.
34 Dhèwèké ngongkon walang nyerbu dhaérah kuwi,Yaiku walang enom sing akèh banget jumlahé.+
35 Walang-walang kuwi mangan kabèh tanduran ing tanah kuwiLan ngentèkké hasil panèné wong-wong kuwi.
36 Dhèwèké matèni kabèh anak pertama ing tanah kuwi,+Anak sing nomer siji.*
37 Dhèwèké nggawa metu umaté, lan wong-wong kuwi padha nggawa emas lan pérak.+
Ora ana sing lara-laranen ing antarané suku-suku Israèl.
38 Merga wedi karo Israèl,*Wong Mesir seneng pas wong-wong kuwi lunga.+
39 Dhèwèké nggawé bèn méga nglindhungi wong Israèl.+
Pas bengi, Dhèwèké nggawé bèn geni madhangi wong-wong kuwi.+
40 Wektu wong-wong kuwi njaluk daging, Dhèwèké mènèhi manuk puyuh.+
Dhèwèké mènèhi wong-wong kuwi roti saka langit nganti wareg.+
41 Dhèwèké mbelah gunung watu, lan banyu metu saka kono.+
Banyu kuwi mili kaya kali ing padhang pasir.+
42 Dhèwèké éling karo janjiné sing suci marang Abraham abdiné,+
43 Mula Dhèwèké nggawa metu umaté.+
Umaté ngrasa seneng banget, wong-wong pilihané sorak-sorak.
44 Dhèwèké mènèhi wong Israèl tanahé bangsa-bangsa.+
Wong-wong kuwi éntuk hasil kerja kerasé bangsa-bangsa liya,+
45 Bèn wong-wong kuwi nindakké peraturané+Lan manut karo hukumé.
Pujinen Yah.*
Katrangan Tambahan
^ Utawa ”main musik”.
^ Utawa mungkin ”Critakna”.
^ Lit.: ”Terusa nggolèki wajahé”.
^ Lit.: ”benihé”.
^ Lit.: ”Lan nugel saben tongkat roti”. Mungkin maksudé tongkat sing dienggo nggantung persediaan roti.
^ Deloken Daftar Istilah.
^ Lit.: ”nalèni”.
^ Maksudé, wong Mesir.
^ Laler sing isa nyokot.
^ Utawa ”geni”.
^ Utawa ”Awal kekuwatané”.
^ Lit.: ”wong-wong kuwi”.
^ Utawa ”Haléluyah!” ”Yah” kuwi singkatan saka jeneng Yéhuwah.
