Yésaya 57:1-21
57 Wong sing bener ora ana manèh,Ning ora ana sing perduli.
Wong sing setya mati,+Lan ora ana sing ngerti nèk wong sing bener matiBèn ora ngalami kesusahan.
2 Wong kuwi ngrasa ayem.
Kabèh wong sing bener istirahat ing panggonané turu.*
3 ”Hé kowé wong sing ibuné dadi ahli ilmu gaib,Hé kowé anaké wong sing seneng selingkuh lan anaké pelacur,Padha mrénéa:
4 Sapa sing mbok écé?
Sapa sing mbok èlèk-èlèk? Sapa sing mbok tantang?
Kowé kan anaké wong sing dosaLan sing seneng ngapusi.+
5 Ing antarané wit sing gedhé lan wit sing rimbun,+Kowé nduwé nafsu sing gedhé.+
Ing antarané watu-watu gedhé lan ing lembah,*+Kowé matèni anakmu.
6 Kowé milih patung-patung sing digawé saka watu.+
Kuwi kabèh sing bakal dadi duwèkmu.
Kowé mènèhi persembahan lan persembahan minuman.+
Apa mbok pikir Aku seneng pas kowé nindakké kabèh kuwi?
7 Kowé nyiapké panggonanmu turu ing puncak gunung sing dhuwur,+Lan kowé mènèhké persembahan ing kono.+
8 Kowé masang tandha ing mburi lawang lan ing kusèn lawang.
Kowé ninggalké Aku lan wuda.
Kowé munggah ing panggonan mau lan nggawé panggonanmu turu dadi luwih amba.
Kowé nggawé perjanjian
Karo sing seneng mbok jak turu bareng.+
Kowé seneng ndelok alat kelaminé wong lanang.*
9 Kowé lunga marani Mèlèkh* karo nggawa minyakLan minyak wangi sing akèh.
Kowé ngongkon utusanmu lunga adohBèn kowé isa mudhun ing Kuburan.*
10 Kowé wis rekasa lunga adoh ing panggonan liya,Ning kowé ora ngomong, ’Iki ora ana gunané.’
Kowé dadi kuwat manèh.
Kuwi sebabé kowé ora nyerah.*
11 Sapa sing nggawé kowé wedi bangetNganti kowé wani ngapusi Aku?+
Kowé ora éling karo Aku.+
Kowé babar blas ora perduli.+
Aku meneng waé lan ora ngapa-ngapa,+Mula kowé ora wedi karo Aku.
12 Aku bakal nduduhké ’tumindakmu sing bener’+ lan kabèh tumindakmu sing liyané.+
Kabèh kuwi ora ana gunané kanggo kowé.+
13 Pas kowé njaluk tulung,Kabèh patung-patung allahmu ora isa nylametké kowé.+
Patungmu bakal kabur kena anginLan kabur kena napas.
Ning, wong sing berlindung marang Aku bakal éntuk warisan tanah iki,Lan gunung-Ku sing suci bakal dadi duwèké.+
14 Ana sing bakal ngomong, ’Kowé kudu nggawé dalan. Siapna dalan.+
Singkirna kabèh sing ngalangi dalané umat-Ku.’”
15 Gusti Allah sing Mahaluhur,Sing urip saklawasé,+ lan sing jenengé suci ngomong ngéné,+”Aku manggon ing panggonan sing dhuwur lan suci,+Ning Aku ya ana bareng karo wong sing lara ati lan sedhih,Bèn Aku isa nguwatké wong sing sedhihLan menghibur wong sing lara ati.+
16 Aku ora bakal mungsuhi wong kuwi saklawasé,Utawa Aku ora bakal terus-terusan nesu.+
Nèk Aku kaya ngono, manungsa lan kabèh makhluk sing Tak ciptakké+Bakal ora nduwé kekuwatan manèh.
17 Aku nesu merga dhèwèké dosa lan nggolèk untung nganggo cara sing ora jujur.+
Mula, Aku ngukum dhèwèké. Aku nesu lan ora perduli manèh.
Ning, dhèwèké tetep mbrontak+ lan tumindak sak karepé dhéwé.
18 Aku ngerti kabèh tumindaké,Ning Aku bakal nuntun dhèwèké+ lan nggawé dhèwèké pulih manèh.+
Aku bakal menghibur dhèwèké+ lan wong-wong sing ngrasa sedhih bareng dhèwèké.”+
19 Yéhuwah ngomong, ”Aku bakal nggawé wong-wong kuwi muji Aku.
Wong sing cedhak lan wong sing adoh bakal terus ngrasa ayem.+
Aku bakal nggawé dhèwèké pulih manèh.”
20 ”Ning, wong jahat kaya ombaké laut sing ora tau mandheg.
Rumput laut lan lumpur dadi kegawa ombak kuwi.”
21 Gusti Allah ngomong, ”Wong jahat ora tau ngrasa ayem.”+
Katrangan Tambahan
^ Maksudé, kuburan.
^ Utawa ”wadi”.
^ Mungkin maksudé tumindak kanggo nyembah brahala.
^ Utawa mungkin ”raja”.
^ Utawa ”Syéol”. Deloken Daftar Istilah.
^ Lit.: ”ora kesel”.
