Fraide, Febiweri 24, 2023 a-go mek wan ier sins di waar brok iina Yuukrien. Som a di ripuot dem se a bout 300,000 suoja fram Yuukrien an Rosha iida ded ar get ort so faar, bot a kuda muo dan dat. An difrant fram di suoja dem, miebi a wan neda 30,000 ar muo piipl ded fram di waar tu.

 Bot sad fi se, it no luk laik dis ya waar ya a-go don fi nou.

•   “Waar brok afta Rosha muuv iin pan Yuukrien, an dat a suun wan ier ya nou an it no luk laik dat de waar de a-go tap no taim suun. Non a di said dem no luk laik se dem a win, an aal dem a chrai taak bout piis notn naa kom fram dat niida.”—NPR (Nashinal Poblik Riediyo), Febiweri 19, 2023.

 Da waar ya an di ada waar dem we a gwaan aal uova di worl a schres out piipl wen dem luk pan ou di waar dem a kaaz so moch piipl fi sofa. Ou di Baibl elp wi fi si se tingz suun get beta? Yu tingk di taim wi eva kom wen wi naa go av no waar an no faitin at aal?

 Di waar we wi a taak bout niem Aamagedan, an di Baibl se da waar ya “a-go apm pan di big die wen Gad, we muo powaful dan evribadi, a-go joj piipl.” (Revilieshan 16:14, 16) A da waar de Gad a-go yuuz fi mek shuor se piipl no kil aaf demself an mash op di ort. Im a-go yuuz it fi get rid a aal a di govament dem we a ruul ya nou, an a dem govament ya a push di waar dem we kaaz piipl fi a sofa. Ef yu waahn fi nuo ou Aamagedan a-go bring piis fi eva, riid dem ya:

•   “What Is the Battle of Armageddon?”

•   “Armageddon Is Good News!”