SANG 136
Jeuova Memba di Gud Yu Du fi Im
(Ruth 2:12)
-
1. Jeuova tek nuotis a aal we yu du
Fi sorv im wid aal a yu aat.
Im nuo se somtaim wen yu work aad fi im,
Yu gweehn luuz som tingz yu did av.
Ef yu lef yu famb’li ar fren dem fi im,
Yu ous ar yu lan ar yu work,
Im gi yu yu bradaz uu lov yu so moch.
An suun yu wi si di nyuu worl.
(KUOROS)
Yes, yu Gad memba aal di gud yu du,
An im fiil gud bout wa yu du fi im.
Im kip yu sief, an im kier fi yu.
Jeuova Gad fietful; im lov yu fi chuu.
-
2. Somtaim wi mait fiil se wi kyaahn go no muor;
Wi fiil se da laif ya no fier.
Wi wanda umoch muor wi riili kyan tek,
Umoch muor wi riili kyan bier.
Jeuova Gad si, an im fiil it fi wi;
Im lisn tu wi wen wi prie.
Im sorvant dem elp wi fiil api agen;
Im spirit an Word gi wi schrent.
(KUOROS)
Yes, yu Gad memba aal di gud yu du,
An im fiil gud bout wa yu du fi im.
Im kip yu sief, an im kier fi yu.
Jeuova Gad fietful; im lov yu fi chuu.
(Riid Judg. 11:38-40; Isa. 41:10 tu.)
