SANG 126
Gwaan Kip Chrang
-
1. Wi fi kip wi yai dem uopm,
An no bada gi op uop.
Wi no afi fried a notn
Kaaz wi Gad wi elp wi kuop.
An im Son, Krais Jiizas, shuo wi ou
Wi kyan liv wi laif fi pliiz im nou.
(KUOROS)
Tan op chrang, an kip yu yai uopm!
Gwaan kip chrang rait tu di en!
-
2. Wi fi kip wi yai dem uopm;
Fala aal wa Jiizas se.
Im a yuuz di elda dem fi
Gaid wi iina fi im wie.
Mek wi yuuz aal a di elp wi get
Fi kip chrang an aalwiez bil wi fiet.
(KUOROS)
Tan op chrang, an kip yu yai uopm!
Gwaan kip chrang rait tu di en!
-
3. Wi fi kip wi yai dem uopm,
An no bada jrap asliip
Pan di wok fi priich di Kindom
Tu di piipl we wi miit.
Mek wi du wi bes fi sorv wi Gad,
An a so wi mek Jeuova glad.
(KUOROS)
Tan op chrang, an kip yu yai uopm!
Gwaan kip chrang rait tu di en!
(Riid Mat. 24:13; Iib. 13:7, 17; 1 Pii. 5:8 tu.)
