• Sl 69:30, 31 – Hvernig geta þessi vers hjálpað okkur að gera bænir okkar innihaldsríkari? (w99 1.3. 27 gr. 11)

  Þitt svar

• Hvaða andlegu gimsteinum í biblíulestri vikunnar langar þig til að segja frá?

  Þitt svar

Í janúar 2009 var safnaðarbóknámið sameinað Boðunarskólanum og þjónustusamkomunni og úr varð ein samkoma sem er haldin í miðri viku. Þetta veitti fjölskyldum eitt kvöld í hverri viku til að hafa sína eigin dagskrá fyrir tilbeiðslustund fjölskyldunnar. Margir hafa látið þakklæti í ljós fyrir þetta fyrirkomulag sem hjálpar þeim að hafa nánara samband við Jehóva og hvert annað. – 5Mó 6:6, 7.

Hvaða ráð geta höfuð fjölskyldunnar nýtt sér til að gera tilbeiðslustund fjölskyldunnar árangursríka?

• Hafðu fastan tíma. Ef mögulegt er skaltu hafa sama tíma í hverri viku fyrir tilbeiðslustund fjölskyldunnar. Hafðu líka annan tíma til vara ef eitthvað óvænt kemur upp á.

• Vertu undirbúinn. Leitaðu ráða hjá eiginkonu þinni og biddu börnin um tillögur af og til. Undirbúningurinn þarf ekki að vera ítarlegur, einkum ef fjölskyldunni finnst gott að hafa svipaða dagskrá í hverri viku.

• Lagaðu dagskrána að þörfum fjölskyldunnar. Þegar börnin eldast breytast þarfir þeirra og geta. Dagskráin ætti að hjálpa hverjum og einum í fjölskyldunni að eignast betra samband við Jehóva.

• Hafðu andrúmsloftið kærleiksríkt og afslappað. Af og til mætti hafa námsstundina utandyra ef veður leyfir. Hikaðu ekki við að gera hlé eftir þörfum. Enda þótt nauðsynlegt sé að taka á ákveðnum vandamálum sem fjölskyldan er að glíma við ætti ekki að nota tilbeiðslustundina til að skamma eða refsa börnunum.

• Gerðu ráð fyrir fjölbreytni. Það væri til dæmis hægt að undirbúa ákveðinn dagskrárlið fyrir næstu samkomu, horfa á og ræða um myndband á jw.org eða hafa æfingu fyrir boðunina. Þótt umræður ættu að vera þungamiðja tilbeiðslustundarinnar væri líka hægt að nota hluta tímans fyrir einkanám.

Ræddu um þessa spurningu:

• Hvernig hefur þér gengið að fara eftir þessum ráðum í tilbeiðslustund fjölskyldunnar?

  Þitt svar