Fyrirmynd — Jósef

Jósef er í erfiðri aðstöðu. Kona húsbónda hans hefur margoft reynt að fá hann til að sofa hjá sér. Og nú reynir hún aftur! En Jósef lætur ekki freistast. Reyndar er svar hans mjög ákveðið. „Hvers vegna skyldi ég þá aðhafast svo illt og syndga á móti Guði?“ segir hann við hana. Þegar hún heldur áfram og grípur meira að segja í hann skammast hann sín ekki fyrir að flýja. Hann hleypur út úr húsinu! Jósef sýnir að hann hefur sterka siðferðisvitund. — 1. Mósebók 39:7-12.

Þú gætir líka lent í aðstæðum þar sem einhver reynir að fá þig til að láta undan kynhvötinni. Að standast freistinguna snýst ekki bara um viljastyrk heldur fyrst og fremst um að vilja þóknast skapara þínum, Jehóva Guði. Rétt eins og þú hafði Jósef kynhvöt. En honum fannst óhugsandi að fullnægja þessari hvöt þannig að það myndi særa skapara hans. Þú þarft sömuleiðis að vera sannfærð(ur) um að siðferðilegur óhreinleiki særi Guð og leiði að lokum til sorgar og hugarangurs. Leggðu þig því fram um að líkja eftir Jósef og þroska með þér sterka siðferðisvitund og viðhalda henni.