JW BROADCASTING
Agdengngeg iti Audio iti Roku
Ti seksion nga Audio ket naglaon iti nagduduma a koleksion dagiti audio, kas iti musika, drama, ken dramatiko a pannakaibasa ti Biblia.
(Palagip: Mabalin a naiduma ti Roku remote-mo iti naipakita iti diagram iti daytoy a tutorial.)
Piliem ti Audio iti home page tapno makitam dagiti koleksion ti audio. Surotem dagiti instruksion iti baba tapno makabirokka ken mangngegam dagiti audio program:
Agdengngeg iti Maysa nga Audio Program
Tunggal grupo dagiti audio ket maibilang kas maysa a koleksion dagiti audio. Agparang iti ngato ti nagan ti koleksion.
Up ken Down: Mapan iti sabali a koleksion.
Left ken Right: Agpili iti audio program iti maysa a koleksion.
Talmegam ti OK tapno mapilim ti program a nakaibatogan ti cursor ken maluktam ti Detalye ti Audio Program.
Piliem kadagitoy ti kayatmo nga aramiden:
Ituloy nga I-play: Agparang laeng daytoy a pagpilian no saanmo a nalpas a denggen ti audio. No piliem daytoy, agtuloy ti audio iti nagsardengam.
I-play wenno I-play Manipud iti Rugi: I-play ti audio program manipud iti rugi.
I-play Amin nga Adda iti Daytoy a Koleksion: I-play ti amin nga audio nga adda iti koleksion, a mangrugi iti program nga agdama a maipakpakita. Agsardeng ti pannakai-play no nai-play aminen nga audio iti koleksion.
Dagiti video iti baba ti iskrin a Detalye ti Audio Program ipakitana dagiti dadduma a video nga adda iti koleksion a pinilim. Talmegam ti Down tapno makapanka kadagiti video iti koleksion, sa talmegam ti Up tapno makasublika iti iskrin a Detalye ti Audio Program.
Agdengngeg iti Maysa a Koleksion ti Audio
Malaksid a mai-play-m ti maymaysa nga audio program, mabalinmo met a denggen ti amin nga audio program iti maysa a koleksion. Birokem ti koleksion ti audio a kayatmo a denggen, sa agpilika kadagitoy a pamay-an:
I-play Amin: I-play ti amin nga audio program iti koleksion, a mangrugi iti umuna.
I-shuffle: I-play ti amin nga audio program iti koleksion a saan nga agsasaruno.
Agsardeng ti pannakai-play no nai-play aminen nga audio program iti koleksion.
Kontrolen ti Pannakai-play ti Audio
No agple-play ti maysa nga audio program, mabalinmo a kontrolen ti pannakai-play-na iti remote-mo babaen dagitoy:
Play/Pause wenno OK: I-pause ti audio program. Talmegam manen ti button tapno agtuloy nga ag-play ti audio program.
Skip Forward: I-fast forward ti audio program iti sumagmamano a segundo. Ipapautmo a talmegan tapno al-alisto nga ag-forward ti audio. Ibbatam ti button tapno agtuloy nga ag-play.
Skip Back: I-rewind ti audio program iti sumagmamano a segundo. Ipapautmo a talmegan tapno al-alisto a makasubli iti pangrugian ti audio program. Ibbatam ti button tapno agtuloy nga ag-play.
Back: Agsubli iti iskrin nga Audio.
