Pananglaglagip iti Ipapatay ni Jesus
Sabado, Abril 12, 2025
Maminsan iti kada tawen, laglagipen dagiti Saksi ni Jehova ti ipapatay ni Jesus gapu ta imbilinna: “Itultuloyyo nga aramiden daytoy kas panglaglagip kaniak.”—Lucas 22:19.
Awisendaka iti daytoy nga okasion.
Masansan a Maisalsaludsod
Kasano kapaut ti programa?
Agarup maysa nga oras.
Sadino?
Kontakem dagiti Saksi ni Jehova tapno maammuam ti oras ken lugar a pakaaramidan ti okasion iti lugaryo.
Adda kadi mabayadan?
Awan.
Adda kadi agkolekta iti donasion?
Awan.
Adda kadi dress code?
Nupay awan ti espesipiko a dress code wenno kita ti bado iti daytoy nga okasion, ikagkagumaan dagiti Saksi ni Jehova a suroten ti ibagbaga ti Biblia a naemma ken nanakman a panagbadbado. (1 Timoteo 2:9) Saan a kasapulan a nangina wenno pormal unay ti badom.
Ania ti mapasamak iti Memorial?
Mangrugi ken maserraan ti programa babaen ti kanta, kasta met ti kararag nga idauluan ti maysa a ministro dagiti Saksi ni Jehova. Ilawlawag ti naibatay-Biblia a palawag no apay a napateg ti ipapatay ni Jesus ken no kasano a mabenepisiarantayo iti inaramid ti Dios ken ni Kristo para kadatayo.
Para iti ad-adu pay a detalye, kitaem ti artikulo nga “Apay a Naiduma iti Dadduma a Relihion ti Panangselebrar Dagiti Saksi ni Jehova iti Pangrabii ti Apo?”
Kaano dagiti sumaruno a Memorial?
2025: Sabado, Abril 12
2026: Huebes, Abril 2
Baka Kayatmo Met ti
MEMORIAL
Laglagipenyo ti Ipapatay ni Jesus
Naimpusuan nga awisendaka a makikadua kadakami iti daytoy nakapatpateg nga okasion. Maammuamto no kasano a pagimbagam ti panagbiag ken ipapatay ni Jesus.
NAGPAPATEG A PANNURSURO TI BIBLIA
Apay a Natay ni Jesus?
Ipakita ti Biblia a nakapatpateg ti ipapatay ni Jesus. Adda kadi panggep ti ipapatayna?