Adda dagiti mamati . . .

a dayta ti tiempo a madadael ti lubong gapu kadagiti nuklear nga armas wenno pannakadadael ti aglawlaw. Ania ti makunam?

Ti kuna ti Biblia

Ti Armagedon ket simboliko a lugar ti “gubat ti naindaklan nga aldaw ti Dios a Mannakabalin-amin,” ti pannakigubatna kadagiti managdakdakes.—Apocalipsis 16:14, 16.

Ania pay ti maammuantayo iti Biblia?

• Ti Dios ti makilaban iti gubat ti Armagedon, saan a tapno dadaelenna ti daga, no di ket tapno isalakanna ti daga kadagiti tattao a mangdaddadael iti dayta.—Apocalipsis 11:18.

• Pagpatinggaen ti gubat ti Armagedon ti amin a gubat.—Salmo 46:8, 9.

Panagkunam?

• Wen

• Saan

• Siguro

Ti kuna ti Biblia

Adda “dakkel a bunggoy” dagiti tattao a naggapu iti amin a nasion a makalasat iti “dakkel a rigat” nga agpatingga iti gubat ti Armagedon.—Apocalipsis 7:9, 14.

Ania pay ti maammuantayo iti Biblia?

• Kayat ti Dios nga adu ti makalasat agingga a posible. Dadaelenna laeng dagiti managdakdakes kas maudi a pamuspusan.—Ezequiel 18:32.

• Ibaga ti Biblia no kasano a makalasattayo inton Armagedon.—Sofonias 2:3.