Para Kadagiti Agtutubo

Liklikam ti Di Nasayaat a Kakadua!

Instruksion: Usigem daytoy iti naulimek nga aglawlaw. Bayat a basbasaem dagiti teksto, panunotem a karamanka iti eksena ken mangmangngegmo dagiti timek. Riknaem ti emosion dagiti kangrunaan a karakter. Biagem ti eksena iti isipmo.

Dagiti kangrunaan a karakter: Dina, Siquem, Jacob, Simeon, ken Levi

Sumario: Rinames ni Siquem ni Dina, ket nagibales dagiti kakabsatna.

1 USIGEM TI EKSENA.​—BASAEM TI GENESIS 34:1-31.

Ania ngata dagiti aramid a nakiramanan ni Dina idi nakikadua kadagiti taga-Canaan?

․․․․․

Ania ngata a “makaguyugoy” a sasao ti kanayon nga ibagbaga ni Siquem ken Dina?

․․․․․

Ania nga emosion ti madlawmo iti timek ni Jacob idi inungtanna da Simeon ken Levi kas nailanad iti bersikulo 30?

․․․․․

2 SUKIMATEM A NAIMBAG.

Panagkunam, apay a kanayon a sumarungkar ni Dina kadagiti annak a babbai iti Canaan? (Kas pagarigan, ania ti mabalin a nakaipadaanna kadakuada? Ania ngata ti nakitana kadagiti tattao iti Canaan a saanna a nakita iti pagtaenganda?)

․․․․․

Ania dagiti naimbag a kualidad a nakita ni Siquem ken ni Dina? (Basaem manen ti bersikulo 3, 12, ken 19.)

․․․․․

 Kasano nga ipakita ti Biblia a nagkedked ni Dina a makidenna? (Basaem manen ti bersikulo 2.)

․․․․․

Panagkunam, rumbeng ngata nga agibales da Simeon ken Levi babaen ti panangpapatayda kadagiti umili iti siudad ti Siquem? Apay, wenno apay a saan?

․․․․․

3 IYAPLIKARMO TI NAADALMO. ISURATMO NO ANIA TI NAADALMO MAIPAPAN ITI . . .

Kinapateg ti nainsiriban a panangpili iti gagayyem.

․․․․․

Kinapateg ti panagteppel, uray no nainkalintegan koma a makapungtotka.

․․․․․

DADDUMA PAY NGA APLIKASION.

Ania dagiti aramidem tapno maliklikam ti seksual a pananggundaway dagiti tattao a di mangan-annurot iti moral a pagalagadan ti Dios?

․․․․․

4 ANIA A PASET DAYTOY A SALAYSAY TI KANGRUNAAN A NANGTUKAY ITI RIKNAM, KEN APAY?

․․․․․

No awan ti Bibliam, agkiddawka kadagiti Saksi ni Jehova, wenno basaem iti www.watchtower.org