Ammoyo Kadi?

(Masarakan dagiti sungbat daytoy a pannubok kadagiti naipaay a teksto ti Biblia, ket nayimprenta iti panid 27 ti kompleto a listaan dagiti sungbat. Para iti kanayonan nga impormasion, kitaenyo ti publikasion nga “Insight on the Scriptures,” nga impablaak dagiti Saksi ni Jehova.)

1. Nupay panggep ni Judas a suratan dagiti Kristiano a kakabsatna maipapan iti pannakaisalakan a patienda amin, ania ti napanunotna a nasken ketdi nga aramidenna? (Judas 3)

2. Bayat nga agturturongda iti ania a purok a nakalangen da Cleopas ken ti kaduana ti naglasag a ni Jesu-Kristo? (Lucas 24:13-32)

3. Sigun iti salaysay ti Biblia, babaen ti ania a naisurat ti Sangapulo a Bilin iti dua a tapi ti bato? (Exodo 31:18)

4. Ania ti nasionalidad ti “adu a ganggannaet nga assawa” nga innala ni Solomon a “pinagannayasda ti pusona a sumurot kadagiti sabali a didios”? (1 Ar-ari 11:1, 4)

5. Iti laksid ti adu a milagro ni Jesus, ania ti saan idi nga ar-aramiden dagiti kakabsatna maipapan kenkuana? (Juan 7:5)

6. Nupay ginandat ti dua nga annak ni Ari David a da Absalom ken Adonias nga agawen ti kinaari iti nadumaduma a gundaway, siasino kadakuada ti dandani nagballigi? (2 Samuel 16:15-22; 1 Ar-ari 1:9-11, 38-53)

7. Kasano kadagsen dagiti simboliko nga uraro a natnag idi imbukbok ti maikapito nga anghel ti malukong ti pungtot ti Dios? (Apocalipsis 16:21)

8. Ania ti ipaannurot dagiti Kasuratan nga aramiden ti kongregasion Kristiano no nailaksid ti maysa a miembrona? (1 Corinto 5:11)

9. Iti maysa a sirmata, nakita ni Ezequiel dagiti apostata a Hebreo a babbai a sangsangitanda ti siasino a didiosen? (Ezequiel 8:14)

10. Apay a ni Agur, ti mannurat iti Proverbio kapitulo 30, kiniddawna a saan a maikkan iti “kinakurapay wenno uray kinabaknang”? (Proverbio 30:8, 9)

11. Ania a pagilasinan ti naited ken Ezekias tapno maipasiguro kenkuana nga agasan ni Jehova ken isalakanna ti Jerusalem manipud kadagiti Asiriano? (Isaias 38:5-8)

12. Ania ti inaramid ti naimbag a Samaritano iti nakabkabil ken dandanin natay a lalaki a nasarakanna iti dalan nga agpa-Jerico? (Lucas 10:34)

13. Ania ti naibilin a kita ti uklop nga isuot dagiti nangato a papadi ti Israel? (Exodo 28:37)

14. Apay nga iti namindua a gundaway, imbaga ni Abraham a kabsatna ni Sara? (Genesis 12:19; 20:2)

15. Ania ti nagan dagiti bantay a pakaipaayan dagiti bendision gapu iti panagtulnog iti linteg ti Dios ken dagiti lunod gapu iti panangsukir iti dayta? (Deuteronomio 11:29)

16. Ania a siudad ti pagnanaedan ni Saul, ti immuna nga ari ti Israel? (1 Samuel 10:24-26)

17. Siasino ti ari a nangipisok ken ni Daniel iti abut dagiti leon? (Daniel 6:9, 16)

Dagiti Sungbat ti Pannubok

1. Tapno bagbagaanna ida ‘a makidangadangda a sipipinget maipaay iti pammati’

2. Emmaus

3. Babaen “ti ramay ti Dios”

4. “Moabita, Ammonita, Edomita, Sidonio ken Heteo”

5. “Winatwat ti pammati”

6. Ni Absalom

7. Maysa a talento (agarup 20 a kilo)

8. Dida makikadua iti dayta a tao

9. Ni Tammuz

10. Tapno saan a mapnek ket ilibakna ni Jehova wenno agtakaw ken tabbaawanna ti nagan ti Dios

11. Ti anniniwan ti init a nagsanud iti sangapulo a tukad iti agdan ni Acaz

12. Dinalusan ken binedbedanna dagiti sugat ti lalaki, impanna iti maysa a pagdagusan, ket tinaripatona

13. Maysa a turbante

14. Gapu iti kinapintas ni Sara, nagamkan ni Abraham a patayen ni Faraon ken ni Ari Abimelec tapno agbalin nga asawada

15. Bantay Gerizim (dagiti bendision); Bantay Ebal (dagiti lunod)

16. Gabaa

17. Ni Dario