Ammoyo Kadi?

(Masarakan dagiti sungbat daytoy a pannubok kadagiti naipaay a teksto ti Biblia, ket nayimprenta iti panid 27 ti kompleto a listaan dagiti sungbat. Para iti kanayonan nga impormasion, kitaenyo ti publikasion nga “Insight on the Scriptures,” nga impablaak dagiti Saksi ni Jehova.)

1. Kalpasan nga impasdek ni Ari Josafat ti napasayaat a sistema ti panangukom, ania ti imbilinna kadagiti ukom, yantangay mangukomda kas pannakabagi ni Jehova ken saan a ti tao? (2 Cronicas 19:7)

2. Yantangay adda idiay langit dagiti nababbaba ken Kristo nga ari-papadi iti Milenio a Panagturayna, siasino ti mangirepresentar kenkuana ken mangipatungpal kadagiti pammilinna ditoy daga? (Salmo 45:16)

3. Tagaano dagiti 11 a matalek nga apostol ni Jesus? (Lucas 4:14)

4. Ania ti kiniddaw ni Josue a pakabenepisiaran dagiti naraut a Gabaonita tapno maabak dagiti Amoreo? (Josue 10:12, 13)

5. Ania dagiti naipanagan iti Natay a Baybay iti Biblia? (Deuteronomio 3:17)

6. Apay nga insikat ni Haman a matalipupos ti amin a Judio iti Imperio ti Persia? (Ester 3:5, 6, 10)

7. Ania ti inrason ti pannakangiwat ni Senaquerib a ni Rabsaque tapno matignay ni Ezekias a din lumaban no di ket sumuko laengen? (2 Ar-ari 18:33-35)

8. Siasino ti dua a nalatak a mammadto idi nagturay ni David? (2 Samuel 12:1; 24:11)

9. Ania ti inaramid ti Dios iti maikadua nga aldaw ti panamarsua? (Genesis 1:7)

10. Ayan dagiti Israelita idi imbaon ni Josue ti dua a managsimisim idiay Jerico? (Josue 2:1)

11. Ania dagiti ramen ti “nasantuan a pangpulot a lana”? (Exodo 30:23-25)

12. Ania dagiti intukon ni Belsazar nga isagutna iti tao a makaipaulog iti insurat ti maysa nga ima iti diding? (Daniel 5:7)

13. Ania nga insekto ti nadakamat iti Biblia gapu iti kinagaget ken nainkasigudan a kinasiribna? (Proverbio 6:6)

14. Siasino nga ari ti Juda ti nangsaranget iti buyot ti Etiopia a buklen ti sangamilion a mannakigubat? (2 Cronicas 14:9, 10)

15. Ti maag nga ulitenna ti kinamaagna ket kayarigan ti ania nga animal nga agsubli iti sarwana? (Proverbio 26:11)

16. Ania a dua a karayan ti Damasco ti imbilang ni Naaman a nasaysayaat ngem iti “amin a dandanum ti Israel”? (2 Ar-ari 5:12)

17. Ania ti pammabasolda ken ni Jesus gapu ta imbagana a makidagus ken ni Zaqueo nga agsingsingir iti buis? (Lucas 19:7)

18. Mano nga Asiriano ti pinatay ti maysa nga anghel iti maysa a rabii? (2 Ar-ari 19:35)

19. Kas dinakamat ni Pedro, kasano a dinusa ti Dios ‘dagiti anghel a nagbasol’? (2 Pedro 2:4)

Dagiti Sungbat ti Pannubok

1. “Agannadkayo ket agtignaykayo, ta ken Jehova a Diostayo awan kinakillo wenno panangidumduma wenno panangala iti pasuksok”

2. Dagiti prinsipe

3. Galilea

4. Nga agintek ti init ken bulan

5. “Ti baybay ti Araba, ti Asin a Baybay”

6. Yantangay naawagan nga “Agageo,” ni Haman ket posible a kaputotan dagiti Amalekita​—tattao a nakondenar a matalipupos gapu iti pananggurada kadagiti Judio

7. Inrasonna a kas kadagiti didios dagiti nakautibodan a siudad, saan a maisalakan ni Jehova ti Jerusalem

8. Natan ken Gad

9. “Ti tangatang”

10. Idiay Sittim, kadagiti kapatagan ti disierto ti Moab

11. Mirra, nasam-it a kanela, nasam-it a kalamo, kasia, ken lana ti olibo

12. Kawes a purpura, kuentas a balitok, ken agturayto kas maikatlo iti pagarian

13. Ti kuton

14. Ari Asa

15. Aso

16. “Ti Abana ken Farpar”

17. “Simrek a makidagus iti maysa a lalaki a managbasol”

18. 185,000

19. Babaen ti pannakaitapuakda idiay Tartaro