TOPIKO ITI AKKUB
Mayugalim Dagiti Nasayaat nga Aramid—Kasano?
-
NAGUNI ti alarm clock ni Austin. Makaturturog pay laeng ngem bimmangon a dagus. Insuotna ti pag-ehersisiona nga insaganana idi rabii, sa napan nag-jogging. Makatawenen nga ar-aramidenna dayta iti mamitlo iti kada lawas.
-
Nagriri manen ni Laurie ken ni lakayna. Masursuron ken nasakit ti nakemna, isu a napan a dagus idiay kosina, nangala iti sangasupot a tsokolate sa kinnanna amin. Kasta ti aramidenna kada masuron.
Ania ti pagpadaan da Austin ken Laurie? Ammoda man wenno saan, agpadada nga im-impluensiaan ti maysa a napigsa a puersa—ti nakasanayanda.
Sika ngay? Adda kadi dagiti nasayaat nga aramid a kayatmo nga iyugali? Baka kayatmo nga iyugali ti regular a panag-ehersisio, saan a panagpuyat, wenno panangkomusta kadagiti ay-ayatem iti biag.
Ngem baka adda met dagiti kayatmo nga isardeng, kas iti panagsigarilio, pannangan iti adu a junk food, wenno napaut a panagin-internet.
Aminentayo, narigat nga isardeng ti maysa a madi a nakasanayantayon. Kinaagpaysuanna, adda dagiti mangibagbaga a ti madi a nakasanayan ket kas iti naimeng a pagiddaan no nalamiis ti panawen: alistoka a maguyod, ngem nagrigat a panawan!
Kasanom ngarud a mabalbaliwan dagiti madi a nakasanayam ken masuktam dagita kadagiti nasayaat? Kitaem ti tallo a suhestion a naibatay kadagiti prinsipio iti Biblia.
Baka Kayatmo Met ti
TI PAGWANAWANAN
Panagsigarilio—Sangalubongan nga Epidemia
Apay nga agtultuloy iti laksid ti panangikagumaanda a mangisardeng iti dayta?
AGRIINGKAYO!
Umiso Kadi ti Panangusarmo iti Digital Technology?
Tapno masukimatmo ti bagim, sungbatam ti uppat a saludsod.
