IDI Sabado, Marso 7, 2015, rinugian ti amin a kongregasion iti intero a lubong ti uppat a lawas a kampania a panangawis kadagiti tattao a makikadua kadatayo a manglaglagip iti ipapatay ni Jesu-Kristo ken agdengngeg iti maysa a palawag maipapan kadagiti gunggona a maawattayo gapu iti ipapatayna. Minilion ti naawis babaen ti panangted iti imbitasion, babaen ti telepono, ken babaen ti surat. Ania ti resultana? Idi Biernes, Abril 3, 2015, naragsakan dagiti Saksi ni Jehova ta adda 19,862,783 nga immatender iti dayta a sagrado nga okasion. Ikagkagumaan ita dagiti Saksi a tulongan dagiti immatender a regular a makikadua iti ili ni Jehova, agdayaw iti pudno a Dios, makarikna iti panagayatna, ken mangsagrap kadagiti bendisionna.—Mik. 4:2.