Naglaon ti Biblia iti mensahe, wenno sao, ti Dios para kadatayo ita. Ipakitana no kasano ti naballigi a panagbiag ken no kasano a magun-od ti pabor ti Dios. Sungbatanna met dagitoy a saludsod:

Ti Biblia ket koleksion ti 66 a babassit a libro. Nabingay daytoy iti dua a seksion: ti Hebreo-Aramaiko a Kasuratan (“Daan a Tulag”) ken ti Griego a Kasuratan (“Baro a Tulag”). Nabingbingay ti tunggal libro ti Biblia kadagiti kapitulo ken bersikulo. No naisitar dagiti teksto, ti umuna a numero kalpasan ti nagan ti libro tukoyenna ti kapitulo, ket ti sumaruno a numero tukoyenna ti bersikulo. Kas pagarigan, ti Genesis 1:1 tukoyenna ti Genesis kapitulo 1, bersikulo 1.