Salmo 58:1-11
-
Adda Dios a mangukom iti daga
-
Panangikararag a madusa dagiti managdakdakes (6-8)
-
Iti direktor; naisurot iti tono ti “Saanmo a Dadaelen.” Salmo ni David. Miktam.*
58 Dakayo nga annak ti tattao, makapagsaokayo kadi maipapan iti kinalinteg no agul-ulimekkayo?+
Kabaelanyo kadi ti mangukom nga addaan iti kinahustisia?+
2 Saan, ta pangpanggepen ti pusoyo ti agaramid iti kinakillo,+Ken nakasagana dagiti imayo a mangranggas kadagiti tattao.+
3 Dakesen dagiti managdakdakes manipud pay pannakayanakda;*Nasukir ken naulboddan sipud pay idi naipasngayda.
4 Kas iti gita dagiti uleg ti gitada;+Agintutulengda a kas iti kobra.
5 Dinanto ipangag ti timek dagiti engkantador,Uray no kasano ti kinalaingda a mangatrakar.
6 O Dios, pusiem dagiti ngipenda!
Tukkolem ti panga dagitoy a leon,* O Jehova!
7 Mapukawda koma a kas iti danum nga immes-es.
Isaganana koma ti panana ken puntiriaenna ida tapno matayda.
8 Kasda la koma iti bisukol a dandanin matay* bayat nga agkarkarayam;Kasda la koma iti maladaga a natay a nayanak a dinan pulos nakita ti init.
9 Sakbay pay a dagiti bangayo ket papudoten ti sumsumged a siitan a kayo,Mangibaonton iti napigsa nga angin a mangitayab kadagiti naganus ken sumsumged a kayo.+
10 Agrag-onto daydiay nalinteg ta nakitana ti pammales;+Mabasbasanto dagiti sakana iti dara dagiti managdakdakes.+
11 Ket ibaganto dagiti tattao: “Sigurado a magunggonaan dagiti nalinteg.+
Talaga nga adda Dios a manguk-ukom ditoy daga.”+
