Salmo 36:1-12
Iti direktor. Salmo ni David nga adipen ni Jehova.
36 Ti salungasing ket makisarita iti kaunggan ti puso ti managdakdakes;Awan panagbutengna iti Dios.+
2 Ta napalalo ti panangpatpatiray-okna iti baginaTapno dina madlaw ken dina kagura ti kamalina.+
3 Makapasakit ken makaallilaw ti ibagbaga ti ngiwatna;Awan ti pannakaawatna tapno nasayaat koma dagiti aramidenna.
4 Agplamplano iti dakes uray no nakaidda.
Nakatakder iti saan a nasayaat a dana;Saanna a laksiden ti aniaman a dakes.
5 O Jehova, tumukno sadi langit ti napudno nga ayatmo,+Dumanon kadagiti ulep ti kinamatalekmo.
6 Ti kinalintegmo ket kas kadagiti nangayed a bambantay;*+Dagiti lintegmo ket kas kadagiti nakalawlawa ken adalem a taaw.+
O Jehova, isalsalakanmo* ti tao ken animal.+
7 O Dios, anian a nagpateg ti napudno nga ayatmo!+Iti linong dagiti payakmo, agkamang dagiti annak ti tattao.+
8 Agpennekda nga uminum kadagiti kasayaatan* nga adda iti balaymo;+Ket painumem ida iti karayan ti kinaimbagmo.+
9 Ta adda kenka ti ubbog ti biag;+Babaen ti lawagmo makitami ti lawag.+
10 Itultuloymo nga ipakita ti napudno nga ayatmo kadagiti makaam-ammo kenka,+Ken ti kinalintegmo kadagidiay nalinteg ti pusoda.+
11 Dimo ipalubos nga ilupitlupitdak dagiti natangsitWenno papanawendak dagiti managdakdakes.
12 Sadiay a napapatay dagiti managdakdakes;Natumbada ket saandan a makabangon.+
