Salmo 24:1-10
-
Ti nadayag nga Ari ket sumrek iti ruangan
-
“Kukua ni Jehova ti daga” (1)
-
Salmo ni David. Kanta.
24 Kukua ni Jehova ti daga ken ti amin nga adda iti dayta,+Ti nabunga a daga ken dagiti agnanaed iti dayta.
2 Ta impasdekna ti pundasion ti daga kadagiti baybay,+Ken sititibker nga insaadna dayta kadagiti karayan.
3 Asino ti mabalin a sumang-at iti bantay ni Jehova,+Ken asino ti mabalin nga agtakder iti nasantuan a dissona?
4 Daydiay awan pagkurangan dagiti aramidna ken nadalus ti pusona,+A saan a nagsapata iti ulbod babaen ti Biagko,*Wenno saan a nagsapata iti makaallilaw.+
5 Umawatto kadagiti bendision ni Jehova+Ken hustisia* manipud iti Dios a mangisalakan kenkuana.+
6 Daytoy ti henerasion dagidiay mangsapsapul kenkuana,Ken mangikagkagumaan a manggun-od iti paraburmo, O Dios ni Jacob. (Selah)
7 Ngumatokayo, dakayo a ruangan;+Aglukatkayo,* dakayo a nagkauna a pagserkan,Tapno makastrek ti nadayag nga Ari!+
8 Asino daytoy nadayag nga Ari?
Ni Jehova a napigsa ken mannakabalin,+Ni Jehova a mannakabalin iti gubat.+
9 Ngumatokayo, dakayo a ruangan;+Aglukatkayo, dakayo a nagkauna a pagserkan,Tapno makastrek ti nadayag nga Ari!
10 Asino daytoy nadayag nga Ari?
Ni Jehova a panguluen dagiti armada—isu ti nadayag nga Ari.+ (Selah)
Footnotes
^ Wenno “Kararuak,” a tumukoy iti biag ni Jehova a pagsapsapataan ti maysa a tao.
^ Wenno “maibilang a nalinteg.”
^ Wenno “Tumakderkayo.”
