Salmo 119:1-176
-
Panangapresiar iti nagpateg a sao ti Dios
-
‘Kasano a mapagtalinaed dagiti agtutubo a nadalus ti biagda?’ (9)
-
“Pagay-ayatko dagiti pammalagipmo” (24)
-
“Pagay-ayatko ti lintegmo!” (97)
-
“Naun-uneg ti pannakaawatko ngem iti amin a mannursurok” (99)
-
“Ti saom ket silaw iti sakak” (105)
-
‘Ti kababagas ti saom ket kinapudno’ (160)
-
Talna para kadagiti mangay-ayat iti linteg ti Dios (165)
-
א [Alef]
119 Naragsak dagidiay agbibiag nga awan pakababalawanda,*Nga agtultulnog iti linteg ni Jehova.+
2 Naragsak dagidiay mangtungtungpal kadagiti pammalagipna,+A mangbirbirok kenkuana iti amin a pusoda.+
3 Saanda nga agar-aramid iti dakes;Magmagnada kadagiti dalanna.+
4 ImbilinmoA masapul a matungpal dagiti lintegmo.+
5 No la koma ta agtalinaedak a natibker*+Tapno matungpalko dagiti regulasionmo!
6 Iti kasta, saanakto a mapabainan+No ipangagko ti amin a bilinmo.
7 Nalinteg ti pusok a mangidaydayawto kenkaInton maammuak dagiti nalinteg a pangngeddengmo.
8 Tungpalek dagiti regulasionmo.
Dinak koma pulos baybay-an.
ב [Beth]
9 Kasano a mapagtalinaed ti agtutubo a lalaki a nadalus ti biagna?
Babaen ti kanayon a panagannadna maitunos iti saom.+
10 Birokenka iti amin a pusok.
Dimo ipalubos a mayadayoak kadagiti bilinmo.+
11 Idulinko ditoy pusok dagiti imbagam+Tapno diak makabasol kenka.+
12 Maidaydayawka koma, O Jehova;Isurom kaniak dagiti regulasionmo.
13 IpakaammokTi amin a pangngeddeng nga imbagam.
14 Ad-adda a pagragsakak dagiti pammalagipmo+Ngem iti amin a dadduma pay a napateg a bambanag.+
15 Pampanunotek a naimbag* dagiti bilinmo+Ket isentrok dagiti matak kadagiti dalanmo.+
16 Pagay-ayatko dagiti paglintegam.
Saankonto a lipaten ti saom.+
ג [Gimel]
17 Kaasiam koma daytoy adipenmo,Tapno agbiagak ket matungpalko ti saom.+
18 Luktam dagiti matak tapno nalawag a makitakDagiti nakaskasdaaw a bambanag iti lintegmo.
19 Maysaak la a ganggannaet a residente iti sabali a pagilian.+
Dimo ilemmeng kaniak dagiti bilinmo.
20 Kasapulak unay dagiti pangngeddengmoIti amin a tiempo.
21 Tubngarem dagiti natangsit,Dagiti nailunod a di agtultulnog kadagiti bilinmo.+
22 Ikkatem kaniak* ti pannakalais ken pannakaumsi,Ta tungtungpalek dagiti pammalagipmo.
23 Uray no agkaykaysa dagiti prinsipe nga agsao maikontra kaniak,Pampanunoten a naimbag* daytoy adipenmo dagiti regulasionmo.
24 Pagay-ayatko dagiti pammalagipmo;+Dagita ti mangbalbalakad kaniak.+
ד [Daleth]
25 Nakapaklebak iti tapok.+
Pagtalinaedennak a sibibiag maitunos iti saom.+
26 Imbagak kenka ti amin nga ar-aramidek, ket sinungbatannak;Isurom kaniak dagiti regulasionmo.+
27 Isurom kaniak ti kaipapanan* dagiti bilinmo,Tapno mapanunotko a naimbag* dagiti nakaskasdaaw nga aramidmo.+
28 Saanak idi a makaturturog gapu iti ladingit.
Patibkerennak kas iti imbagam.
29 Ikkatem kaniak ti panangallilaw,+Ket kaasiannak babaen ti lintegmo.
30 Pinilik ti agtalinaed a matalek.+
Bigbigek nga umiso dagiti pangngeddengmo.
31 Sursurotek dagiti* pammalagipmo.+
O Jehova, dimo koma ipalubos a maupayak.*+
32 Tungpalekto* dagiti bilinmoTa naynayonam ti pannakaawatko.*
ה [He]
33 O Jehova,+ isuronak a mangsurot kadagiti regulasionmo,Tapno kanayon a matungpalko dagita.+
34 Ikkannak iti pannakaawat,Tapno matungpalko ti lintegmoKen masurotko dayta iti amin a pusok.
35 Iturongnak* iti dalan dagiti bilinmo,+Ta dayta ti pagragsakak.
36 Iturongmo ti pusok kadagiti pammalagipmo,Saan ket nga iti bukodko a pagsayaatan.*+
37 Iliklikmo dagiti matak iti panangkita iti awan serserbina;+Papagnaennak iti dalanmo tapno agtalinaedak a sibibiag.
38 Tungpalem ti karim* iti adipenmo,Tapno agbuteng kenka dagiti tattao.*
39 Ikkatem ti pagbutbutngak a pannakaibabain,Ta nasayaat dagiti pangngeddengmo.+
40 Kitaem, il-iliwek dagiti bilinmo.
Pagtalinaedennak a sibibiag maitunos iti kinalintegmo.
ו [Waw]
41 Ipakitam koma kaniak ti napudno nga ayatmo, O Jehova,+Ti panangisalakanmo a kas iti karim;*+
42 Tapno masungbatak daydiay manguy-uyaw kaniak,Ta agtalekak iti saom.
43 Dimo pulos ikkaten iti ngiwatko ti sao ti kinapudno,Ta mangnamnamaak* iti pangngeddengmo.
44 Kanayon a tungpalek ti lintegmo,Iti agnanayon nga awan inggana.+
45 Magnaakto iti natalged a disso,*+Ta sursurotek dagiti bilinmo.
46 Ipakaammokto dagiti pammalagipmo iti sanguanan ti ar-ari,Ket saanakto a mabain.+
47 Pagay-ayatko dagiti bilinmo,Wen, ipatpategko dagita.+
48 Gapu ta ay-ayatek dagiti bilinmo, ingatokto dagiti imak nga agkararag kenka,+Ken pampanunotekto a naimbag* dagiti regulasionmo.+
ז [Zayin]
49 Lagipem ti imbagam* iti adipenmo,Nga impanamnamam kaniak.*
50 Daytoy ti mangliwliwa kaniak iti rigatko,+Ta agtalinaedak a sibibiag gapu iti saom.
51 Nakaro ti pananguy-uyaw kaniak dagiti natangsit,Ngem saanak a sumina iti lintegmo.+
52 Malagipko dagiti pangngeddengmo idi un-unana,+ O Jehova,Ket dagita ti mangliwliwa kaniak.+
53 Makapungtotak unay gapu kadagiti managdakdakesA mangsuksukir iti lintegmo.+
54 Dagiti regulasionmo ti ikankantakSadinoman a pagyanak.*
55 Iti rabii, O Jehova, laglagipek ti naganmo,+Tapno matungpalko ti lintegmo.
56 Dayta ti nakairuamakTa sursurotek dagiti bilinmo.
ח [Heth]
57 Ni Jehova ti bingayko;+Inkarik a tungpalek ti sasaom.+
58 Agpakpakaasiak kenka* iti amin a pusok;+Bendisionannak+ kas iti karim.*
59 Pinampanunotko ti kabibiagko,Tapno masurotko manen dagiti pammalagipmo.+
60 Nagdardarasak ken saanko nga intantanA tungpalen dagiti bilinmo.+
61 Naigalut kaniak dagiti tali ti managdakdakes,Ngem saanko a malipatan ti lintegmo.+
62 Iti tengnga ti rabii, bumangonak tapno agyamanak kenka+Gapu kadagiti nalinteg a pangngeddengmo.
63 Gayyemdak ti amin nga agbuteng kenka,Ken dagidiay agtultulnog kadagiti bilinmo.+
64 O Jehova, napno ti daga iti napudno nga ayatmo;+Isurom kaniak dagiti regulasionmo.
ט [Teth]
65 Nagsayaat ti panangtratom iti adipenmo,Maitunos iti saom, O Jehova.
66 Isurom kaniak ti kinamanakem ken pannakaammo,+Ta agtalekak kadagiti bilinmo.
67 Sakbay a naipasangoak iti rigat, nayaw-awanak,*Ngem ita, tungtungpalekon ti ibagbagam.+
68 Naimbagka+ ken naimbag dagiti ar-aramidem.
Isurom kaniak dagiti regulasionmo.+
69 Adu a kinaulbod ti ibagbaga dagiti natangsit maipapan kaniak,Ngem naimpusuan a tungtungpalek dagiti bilinmo.
70 Ti pusoda ket kimmalio,*+Ngem pagay-ayatko ti lintegmo.+
71 Nasayaat ta naparigatanak,+Tapno masursurok dagiti regulasionmo.
72 Pagsayaatak ti linteg nga impakaammom kaniak,+Napatpategda ngem iti rinibu a pedaso ti balitok ken pirak.+
י [Yod]
73 Dagiti imam ti nangparsua ken nangaramid kaniak.
Ikkannak iti pannakaawat,Tapno masursurok dagiti bilinmo.+
74 Makitadak dagidiay agbuteng kenka ket maragsakanda,Ta ti saom ti pangnamnamaak.*+
75 O Jehova, ammok a nalinteg dagiti pangngeddengmo+Ket dinisiplinanak gapu iti kinamatalekmo.+
76 Pangngaasim ta liwliwaennak iti napudno nga ayatmo,+Maitunos iti karim* iti adipenmo.
77 Kaasiannak tapno agtultuloyak nga agbiag,+Ta pagay-ayatko ti lintegmo.+
78 Mapabainan koma dagiti natangsit,Ta sinaktandak nga awan gapgapuna.*
Ngem pampanunotek a naimbag* dagiti bilinmo.+
79 Agsubli koma kaniak dagidiay agbuteng kenka,Dagidiay makaammo kadagiti pammalagipmo.
80 Awan koma ti pakababalawan ti pusok iti panangsurotko kadagiti regulasionmo,+Tapno saanak a maibabain.+
כ [Kaf]
81 Ur-urayek ti panangisalakanmo,+Ta ti saom ti pangnamnamaak.*
82 Ur-urayen dagiti matak ti inkarim+Bayat nga ibagbagak: “Kaanonto a liwliwaennak?”+
83 Ta kaslaak iti lalat a pagkargaan iti danum a kimbet iti kaasukan.Ngem saanko a malipatan dagiti regulasionmo.+
84 Mano nga aldaw a masapul nga aguray daytoy adipenmo?
Kaanonto a dusaem dagidiay mangidaddadanes kaniak?+
85 Dagiti natangsit agkalkalida kadagiti abut a pakatnagak,Dagidiay mangsuksukir iti lintegmo.
86 Mapagtalkan ti amin a bilinmo.
Idaddadanesdak dagiti tattao nga awan gapgapuna; tulongannak!+
87 Gistayda kinettel ti biagko,Ngem diak binaybay-an dagiti bilinmo.
88 Pagtalinaedennak a sibibiag gapu iti napudno nga ayatmo,Tapno matungpalko dagiti pammalagip nga imbagam.
ל [Lamed]
89 O Jehova, agnanayonNga agtalinaed ti saom idiay langit.+
90 Matalekka iti amin a henerasion.+
Impasdekmo a sititibker ti daga, tapno agtalinaed dayta.+
91 Gapu kadagiti pangngeddengmo, addada* agingga ita,Ta adipenmo amin ida.
92 No saanko a pagay-ayat ti lintegmo,Natayak koman iti panagrigrigatko.+
93 Saankonto a pulos malipatan dagiti bilinmo,Ta gapu kadagita, tinaginayonmo ti biagko.+
94 Kukuanak; isalakannak,+Ta binirokko dagiti bilinmo.+
95 Agur-uray dagiti managdakdakes a mangdadael kaniak,Ngem ipangpangagko dagiti pammalagipmo.
96 Nakitak nga adda limitasion ti amin a kinaperpekto.Ngem awan ti limitasion* ti bilinmo.
מ [Mem]
97 Pagay-ayatko ti lintegmo!+
Pampanunotek a naimbag* iti agmalmalem.+
98 Ti bilinmo pagbalinennak a nasirsirib ngem kadagiti kabusorko,+Gapu ta adda dayta kaniak iti agnanayon.
99 Naun-uneg ti pannakaawatko ngem iti amin a mannursurok,+Gapu ta pampanunotek a naimbag* dagiti pammalagipmo.
100 Naun-uneg ti pannakaawatko ngem kadagiti lallakay,Gapu ta tungtungpalek dagiti bilinmo.
101 Diak kayat ti magna iti sadinoman a dakes a dalan,+Tapno kanayon a matungpalko ti saom.
102 Saanko a lisian dagiti pangngeddengmo,Gapu ta sika ti mangisursuro kaniak.
103 Dagiti pammagbagam ket nakasamsam-it iti ngiwatko,Nasamsam-itda pay ngem iti diro!+
104 Agtignayak nga addaan iti pannakaawat gapu kadagiti bilinmo.+
Isu a kagurgurak ti tunggal dalan a nakillo.+
נ [Nun]
105 Ti saom ket lampara iti sakak,Ken lawag iti pagnaak.+
106 Nagsapataak, ket tungpalek dayta,Tapno masurotko dagiti nalinteg a pangngeddengmo.
107 Napalalo ti pannakaparigatko.+
O Jehova, pagtalinaedennak a sibibiag maitunos iti saom.+
108 O Jehova, maragsakanka koma kadagiti boluntario a daton ti panangidaydayawko,*+Ket isurom kaniak dagiti pangngeddengmo.+
109 Kanayon nga agpelpeligro ti biagko,*Ngem saanko a malipatan ti lintegmo.+
110 Nangikabil dagiti managdakdakes iti appan a para kaniak,Ngem saanak a simmina kadagiti bilinmo.+
111 Awatek dagiti pammalagipmo kas permanente a kukuak,*Ta dagita ti pagragsakan ti pusok.+
112 Desididoak* a kanayon a mangtungpal kadagiti regulasionmo,Agingga a mapugsat ti maudi nga angesko.
ס [Samekh]
113 Kagurak dagidiay kagkagudua ti pusoda,*+Ngem ay-ayatek ti lintegmo.+
114 Sika ti paglemmengak ken kalasagko.+Ta ti saom ti pangnamnamaak.*+
115 Adaywandak, dakayo a managdakdakes,+Tapno matungpalko dagiti bilin ti Diosko.
116 Suportarannak kas iti inkarim,*+Tapno agtultuloyak nga agbiag;Dimo ipalubos a mapaay* ti namnamak.+
117 Suportarannak tapno maisalakanak;+Tapno kanayon a mapanunotko dagiti regulasionmo.+
118 Ilaksidmo amin dagidiay sumukir kadagiti regulasionmo,+Ta ulbodda ken manangallilawda.
119 Ibellengmo ti amin a managdakdakes ditoy daga a kas basura nga awan serserbina.+
Dayta ti makagapu nga ay-ayatek dagiti pammalagipmo.
120 Agpigerger ti bagik* gapu iti panagamakko kenka;Adda panagbutengko kadagiti pangngeddengmo.
ע [Ayin]
121 Inaramidko ti umiso ken nalinteg.
Dinak baybay-an kadagiti mangirurrurumen kaniak!
122 Ipasiguradom nga aywanam daytoy adipenmo;Saandak koma nga irurumen dagiti natangsit.
123 Nabannogen dagiti matak nga agur-uray iti panangisalakanmo+Ken iti pannakatungpal ti nalinteg a karim.*+
124 Ipakitam ti napudno nga ayatmo kaniak nga adipenmo,+Ken isurom kaniak dagiti regulasionmo.+
125 Siak ti adipenmo; ikkannak iti pannakaawat,+Tapno maammuak dagiti pammalagipmo.
126 Nadanonen ti tiempo nga agtignay ni Jehova,+Ta saanda a tinungpal ti lintegmo.
127 Dayta ti gapuna nga ad-adda nga ipatpategko dagiti lintegmoNgem iti balitok, uray iti puro* a balitok.+
128 Isu nga ibilangko nga umiso ti amin nga instruksionmo;*+Kagurgurak ti tunggal dalan a nakillo.+
פ [Pe]
129 Nakasaysayaat dagiti pammalagipmo.
Isu a tungtungpalek dagita.
130 Mangyeg iti lawag ti pannakaipakaammo dagiti sasaom,+Mangted iti pannakaawat kadagiti awanan kapadasan.+
131 Agngangaak ken umangesak iti nauneg,*Gapu ta il-iliwek dagiti bilinmo.+
132 Kitaennak ken kaasiannak,+Kas iti imbilinmo kadagidiay mangay-ayat iti naganmo.+
133 Babaen ti saom, iturongmo ti addangko tapno natalgedak;*Awan koma ti dakes a mangkontrol kaniak.+
134 Isalakannak* kadagiti mangirurrurumen,Ket tungpalek dagiti bilinmo.
135 Agraniag koma ti rupam* iti adipenmo,+Ken isurom kaniak dagiti regulasionmo.
136 Agar-arubos dagiti luak kadagiti matakGapu ta suksukiren dagiti tattao ti lintegmo.+
צ [Tsade]
137 Nalintegka, O Jehova,+Ken patas dagiti panangukommo.+
138 Nalinteg dagiti pammalagipmoKen talaga a mapangnamnamaan.
139 Ti debosionko kenka ket kas apuy a sumsumged iti unegko,+Gapu ta ti saom ket linipat dagiti kalabanko.
140 Dagiti sasaom ket naan-anay a nasudi,+Ket ipatpateg dayta ti adipenmo.+
141 Nanumo ken mauy-uyawak;+Ngem diak nalipatan dagiti bilinmo.
142 Agnanayon a kinalinteg ti kinalintegmo,+Ken ti lintegmo ket kinapudno.+
143 Uray no agladingit ken agrigatak,Pagay-ayatko latta dagiti bilinmo.
144 Agnanayon ti kinalinteg dagiti pammalagipmo.
Ikkannak iti pannakaawat,+ tapno agtultuloyak nga agbiag.
ק [Qof]
145 Naimpusuan nga umawagak. O Jehova, sungbatannak.
Tungpalek dagiti regulasionmo.
146 Umawagak kenka; isalakannak!
Agtulnogak kadagiti pammalagipmo.
147 Siririingak sakbay ti parbangon* tapno agpatulongak,+Ta ti sasaom ti pangnamnamaak.*
148 Nakamulagatak iti tengnga ti rabii,Tapno mapanunotko a naimbag* dagiti sasaom.+
149 Denggem ti timekko maigapu iti napudno nga ayatmo.+
O Jehova, pagtalinaedennak a sibibiag maitunos iti kinahustisiam.
150 Umasideg dagidiay agar-aramid iti nakababain;*Inlaksidda ti lintegmo.
151 Asidegka, O Jehova,+Ket pudno ti amin a bilinmo.+
152 Nabayagen a naammuak dagiti pammalagipmo,Nga inaramidmo nga agtalinaed nga agnanayon.+
ר [Resh]
153 Kitaem ti rigatko ken isalakannak,+Ta saanko a malipatan ti lintegmo.
154 Idepensanak* ken isalakannak;+Pagtalinaedennak a sibibiag kas iti karim.*
155 Adayo ti pannakaisalakan kadagiti managdakdakes,Ta saanda a binirok dagiti regulasionmo.+
156 Dakkel ti asim, O Jehova.+
Pagtalinaedennak a sibibiag maitunos iti kinahustisiam.
157 Adu dagiti kalabanko ken mangidaddadanes kaniak.+Ngem saanak nga immadayo kadagiti pammalagipmo.
158 Kagurak dagiti manangallilaw,Gapu ta saanda a tungtungpalen ti saom.+
159 Kitaem ti panangipategko kadagiti bilinmo!
O Jehova, pagtalinaedennak a sibibiag maitunos iti napudno nga ayatmo.+
160 Ti intero a kababagas ti saom ket kinapudno,+Ken agnanayon ti amin a nalinteg a pangngeddengmo.
ש [Sin] wenno [Shin]
161 Parparigatendak dagiti prinsipe+ nga awan gapgapuna,Ngem dakkel ti panagraemko kadagiti sasaom.+
162 Maragragsakanak iti saom+A kas iti maysa a nakasarak iti adu a kinabaknang.
163 Kaluksawko ti kinaulbod; kagurgurak dayta,+Ngem ipatpategko ti lintegmo.+
164 Mamimpito nga idaydayawka iti kada aldawGapu kadagiti nalinteg a pangngeddengmo.
165 Aglaplapusanan ti talna dagiti mangipatpateg iti lintegmo,+Awan ti makaitibkol kadakuada.*
166 O Jehova, mangnamnamaak iti panangisalakanmo,Ken tungtungpalek dagiti bilinmo.
167 Ar-aramidek dagiti pammalagipmo,Ken ipatpategko unay dagita.+
168 Tungtungpalek dagiti bilin ken pammalagipmo,Ta ammom amin nga ar-aramidek.+
ת [Taw]
169 Denggem koma ti panagpakpakaasik, O Jehova.+
Ikkannak koma iti pannakaawat kas iti imbagam.+
170 Dumanon koma kenka ti panagpakpakaasik.
Isalakannak kas iti inkarim.*
171 Kanayon koma nga iyebkasko ti panangidaydayaw kenka,+Ta isursurom kaniak dagiti regulasionmo.
172 Ikantak koma dagiti sasaom,+Ta nalinteg ti amin a bilinmo.
173 Nakasagana koma ta imam a tumulong kaniak,+Ta pinilik a tungpalen dagiti bilinmo.+
174 O Jehova, il-iliwek ti panangisalakanmo,Pagay-ayatko ti lintegmo.+
175 Agtultuloyak koma nga agbiag tapno maidaydayawka,+Dagiti koma pangngeddengmo ti tumulong kaniak.
176 Kaslaak la napukaw a karnero.+ Birokennak kas adipenmo,Ta diak nalipatan dagiti bilinmo.+
Footnotes
^ Wenno “awan pagkuranganda.”
^ Lit., “No la koma ta naipasdek a sititibker ti daldalanko.”
^ Wenno “Ad-adalek.”
^ Lit., “Iyadayom kaniak.”
^ Wenno “Ad-adalen.”
^ Lit., “dalan.”
^ Wenno “maadalko.”
^ Lit., “Kumkumpetak kadagiti.”
^ Wenno “maibabainak.”
^ Lit., “Tarayekto.”
^ Wenno “bilegko.” Lit., “Agsipud ta palpalawaem ti pusok.”
^ Wenno “Papagnaennak.”
^ Wenno “inaagum a gunggona.”
^ Wenno “ibagbagam.”
^ Wenno mabalin nga, “A naaramid kadagidiay agbuteng kenka.”
^ Wenno “ibagbagam.”
^ Wenno “agur-urayak.”
^ Wenno “nalawa a lugar.”
^ Wenno “ad-adalek.”
^ Wenno “inkarim.”
^ Wenno “A dayta ti makagapu a pinagur-uraynak.”
^ Wenno “Iti balay a pagnanaedak kas ganggannaet.”
^ Wenno “Paluknengek (paisemek) ti rupam.”
^ Wenno “ibagbagam.”
^ Wenno “nagbasbasolak a diak inggagara.”
^ Lit., “saan a makarikna a kas iti taba.”
^ Wenno “ur-urayek ti saom.”
^ Wenno “ibagbagam.”
^ Wenno mabalin a, “babaen kadagiti kinaulbod.”
^ Wenno “ad-adalek.”
^ Wenno “ur-urayek ti saom.”
^ Kayatna a sawen, amin a pinarsua ti Dios.
^ Lit., “nakalawlawa.”
^ Wenno “Ad-adalek.”
^ Wenno “ad-adalek.”
^ Lit., “boluntario a daton ti ngiwatko.”
^ Wenno “Kanayon nga adda iti imak ti kararuak.”
^ Wenno “agnanayon a tawidko.”
^ Lit., “Pinagannayasko ti pusok.”
^ Wenno “tattao a nabingay ti pusoda.”
^ Wenno “ur-urayek ti saom.”
^ Wenno “maitunos iti imbagam.”
^ Wenno “maibabain.”
^ Lit., “lasagko.”
^ Wenno “ibagbagam.”
^ Wenno “napasudi.”
^ Wenno “bilinmo.”
^ Lit., “umanangsabak.”
^ Wenno “patibkerem dagiti addangko.”
^ Lit., “Subbotennak.”
^ Wenno “Umisemka.”
^ Wenno “nga aglawag iti bigat.”
^ Wenno “ur-urayek ti sasaom.”
^ Wenno “maadalko.”
^ Wenno “naalas.”
^ Wenno “Asikasuem ti kasok.”
^ Wenno “ibagbagam.”
^ Wenno “Awan ti pakaitibkolanda.”
^ Wenno “maitunos iti imbagam.”
