Isaias 56:1-12
56 Daytoy ti kinuna ni Jehova:
“Ipatungpalyo ti hustisia,+ ken aramidenyo ti nalinteg,Ta asidegen ti panangisalakankoKen maipalgakto ti kinalintegko.+
2 Naragsak ti tao a mangaramid iti daytoyKen ti anak ti tao a mangtungpal iti dayta,A mangngilin iti Sabbath ken saan a manglabsing iti dayta+Ken mangigawid iti imana iti aniaman a kita ti dakes.
3 Saan koma nga ibaga ti ganggannaet nga agdaydayaw ken Jehova,+‘Sigurado nga isinanakto ni Jehova iti ilina.’
Ken saan koma nga ibaga ti eunuko, ‘Maysaak a nagango a kayo.’”
4 Ta daytoy ti kinuna ni Jehova kadagiti eunuko a mangngilngilin kadagiti sabbathko ken mangar-aramid iti pagragsakak ken mangtungtungpal iti tulagko:
5 “Itedkonto kadakuada ti maysa a monumento ken nagan iti balayko ken iti uneg dagiti paderko,Banag a nasaysayaat ngem iti annak a lallaki ken babbai.
Itedkonto kadakuada ti agnanayon a nagan,A saan a mapukaw.
6 No maipapan kadagiti ganggannaet a makitipon ken Jehova tapno agserbida kenkuana,Tapno ayatenda ti nagan ni Jehova+Ken agbalinda nga adipenna,Amin a mangngilngilin iti Sabbath ken mangraraem iti daytaKen mangtungtungpal iti tulagko,
7 Ipankonto met ida iti nasantuan a bantayko+Ket paragsakek ida iti uneg ti balayko a pagkararagan.
Maawatto ti sibubukel a datonda a mapuoran ken ti dadduma pay a datonda iti altarko.
Ta maawaganto ti balayko iti balay a pagkararagan para iti amin a tattao.”+
8 Kinuna ti Kangatuan* nga Apo Jehova, a mangum-ummong kadagiti naiwarawara nga umili ti Israel:+
“Inayonkonto kenkuana ti dadduma a saan pay a naummong.”+
9 Umaykayo mangan, dakayo amin nga atap nga animal iti tanap,Dakayo amin nga atap nga animal iti kabakiran.+
10 Bulsek dagiti parabantayna,+ awan kadakuada ti nagsiput.+
Aminda ket kasla umel nga aso, a saan a makataul.+
Agan-anangsab ken agid-iddada; magusgustuanda ti maturog.
11 Kaslada aso a nakarawrawet;*Saanda mapmapnek.
Kaslada pastor nga awanan pannakaawat.+
Nagturongda amin iti bukodda a dalan;Siaagum a birbiroken ti tunggal maysa ti material a gunggona ken ibagbagana:
12 “Umaykayo, ket mangalaak iti arak,Ken uminumtayo agingga a mabartektayo.+
Kastoy met laeng ti aramidentayo inton bigat, ngem nasaysayaatto pay!”
